حملة الاطفال الصليبيه
From Wikipedia, the free encyclopedia
حملة الاطفال الصليبيه (بالفرنساوى: Croisade des enfants ، بالالمانى: Kinderkreuzzug ، بالانجليزى: Children's Crusade)، اسم لحملتين صليبيتين ، واحده من فرنسا و التانيه من المانيا قادوا اطفال فى سنة 1212.
حملة الاطفال الصليبيه | |
---|---|
جزء من حملات صليبيه | |
|
|
تعديل |
مع ان الحملات دى ماكانتش منظمه زيها زى الحمله الصليبيه الشعبيه اللى قامت قبل الحمله الصليبيه الاولى ، و فى المانيا هدفها كان تبشيرى مش عسكرى لكن بتتنسب للحملات الصليبيه .[1] التبشير فى فرنسا ابتدا قبل التبشير فى المانيا لكن الحمله الالمانيه خرجت قبل الفرنسيه، و بتقول مصادر ان عدد المشاركين فى الحملات دى وصل ل20.000 (فى فرنسا) و 30.000 (فى المانيا) ولد و بنت ، و ان البنات كانو لابسين هدوم صبيان [2]
بالرغم من كده المؤرخين الغربيين مااتكلموش عن الحملات دى كتير و فيه مؤرخين و باحثين شككو فى انها حصلت فعل او ان اللى شاركو فيها كانو بجد اطفال .[3] ، و ده بالرغم من ان المصادر التأريخيه الغربيه اللى عاصرت الاحداث او نقلت عن اللى عاصروها اتكلمت وحكت عنها و من جهه تانيه مؤرخين الحروب الصليبيه الكبار زى ستيفين رونسيمان و چوناثان ريلى سميث و هانز ابيرهارد ماير ، و غيرهم اتكلمو عنها كحقايق تاريخيه مش مجرد قصص من الخيال ، ممكن تكون فيه زيادات خياليه هنا و هناك لكن العمود الفقرى للقصه مش من صنع الخيال. حصول احداث زى دى ماكانش حاجه مستحيله فى عصور ساد فيها الجهل و الفقر و التطرف الدينى.[4] المصادر المصريه و الشرقيه من جهتهم ما ذكروش حاجه محدده لكن ذكرو ان الفتره دى كانت مليانه معارك وصراعات بين المسلمين و الصليبيين و ان كانت فيه علاقات صحابيه قويه بين الملك العادل (حكم 1200-1218) فى القاهره و تجار من چنوه [5]
وليام الخنزير William Porcus و هيو الحديدى Hugo Ferreus كانو من الاسامى اللى اشتهرت و ارتبطت بحملة الاطفال الصليبيه.