حمض نووى
From Wikipedia, the free encyclopedia
الحمض النووى (انجليزى: Deoxyribonucleic acid, نطق: /diːˌɒksɨˌraɪbɵ.n(j)uːˈkleɪ.ɪk ˈæsɪd/ (مساعده·معلومات), ديوكسى ريبو نوكليك أسيد; معروفه اكتر بإسم: D.N.A. \دى إن ايه\) هو الحمض النووى اللى بيحتوى على التعليمات الجينية اللى بتمثل صفات كل الكائنات الحية و بعض الفيروسات,مهمة الحمض النووى الاساسية هى أنه يخزن المعلومات اللى بيحتاجها الجسم لبُنا الخلايا, زى الشفرة/كود او الخريطة, اجزاء الحمض النووى اللى بتشيل المعلومات دى اسمها(الجينات genes) ,اما باقى اجزاء الحمض النووى فليها اغراض فى بناء سلسلة الحمض النووى و تنظيم أستعمال المعلومات اللى فيه.
![Thumb image](http://upload.wikimedia.org/wikipedia/commons/thumb/f/f0/DNA_Overview.png/640px-DNA_Overview.png)
من الناحية الكيماويه, الحمض النووى بيتكون من حاجة اسمها (البوليمرات polymers) ودى تجمع لمجموعة من الجزيئات الكيميائية زى تركيب البلاستيك, وبيتكون من بوليمرين طول من وحدات بسيطة اسمها (النوكليدات nucleotides) معمول لهم اساس من السكر و الفوسفات, البوليمرين دول بيمشوا فى أتجاهين عكس بعض,لازق فى كل جزىء سكر 4 انواع من الجزيئات اسمها (القواعد النووية nucleobases) وهى دى اللى ب فيها المعلومات الجينية,وبتبقى متشفرة علشان كده بتستعمل حاجة اسمها نفكها,وجوه النواه بتاعة الخلية بيبقى الحمض النووى متقسم لحاجة اسمها (الكروموسومات chromosomes) والخلايا علشان تتكاثر سواء فى الانسان او اى كائن حى لازم الخلايا تنقسم وفى العملية دى الكروموسومات بتتصور او بتنقسم جوه النواة علشان لما الخلية تنقسم النواة بتاعتها بتنقسم والنواة الجديدة تاخد الحمض النووى المنسوخ و يبقى فى خليتين متشابهتين تماما فى كل الصفات.