![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/a/a8/Anna_Paola_bikini.jpg/640px-Anna_Paola_bikini.jpg&w=640&q=50)
بيكينى
From Wikipedia, the free encyclopedia
البيكينى (فرنساوى: Bikini): مايوه للستات بيتلبس فى العاده على الپلاچات و بيتكون من حتتين، حته بتغطى الصدر (زى السوتيان) و حته بتغطى الحوض (زى الكلوت).
| ||||
---|---|---|---|---|
![]() | ||||
هدوم ![]() | ||||
رمز يونيكود | 👙 ![]() | |||
![]() ![]() | ||||
تعديل ![]() |
![Thumb image](http://upload.wikimedia.org/wikipedia/commons/thumb/0/0a/Casale_Bikini.jpg/640px-Casale_Bikini.jpg)
![Thumb image](http://upload.wikimedia.org/wikipedia/commons/thumb/9/9a/Girl_with_red_flowered_bikini.jpg/320px-Girl_with_red_flowered_bikini.jpg)
![Thumb image](http://upload.wikimedia.org/wikipedia/commons/thumb/2/27/PiazzaArmerina-Mosaik-Bikini.jpg/640px-PiazzaArmerina-Mosaik-Bikini.jpg)
![Thumb image](http://upload.wikimedia.org/wikipedia/commons/thumb/a/a4/Paez-bikini.jpg/640px-Paez-bikini.jpg)
![Thumb image](http://upload.wikimedia.org/wikipedia/commons/thumb/5/53/Beach_Volleyball_2007_%281436878831%29.jpg/320px-Beach_Volleyball_2007_%281436878831%29.jpg)
بيختلف شكل البيكينى و حجمه بيتنوع ففيه زى بيكينى بيتسمى "ثونج" (thong) او "چى-سترينج" (g-string) منتشر فى امريكا اللاتينيه. المايوه المعروف باسم مونوكينى (monokini) من البيكينى بس بيتكون من حته واحده بتغطى الحوض بس من مش سوتيان.
ظهر البيكينى لأول مره سنة 1947 على پلاچات فرنسا و اللى اخترعه فى العصر الحديث كان مهندس فرنساوى اسمه لويس رير (Louis Réard)، و سماه بيكينى على اسم جزيرة بيكينى فى المحيط الهادى كانت امريكا عملت فيها تجربة قنبله ذريه فى يوليه 1946. لويس رير كان مهندس اوتوموبيلات لكن كان بيدير بوتيك للهدوم الداخليه ملك والدته فى باريس، صاحبه مصمم الازياء چاك هيم (Jacques Heim) فصله و اعلن عنه ك "اصغر مايوه"، و ظهر البيكينى لأول فى عرض ازياء فى باريس و لبسته "ميشيلينا بيرناردينى" (Micheline Bernardini) اللى كانت رقاصة ستربتيز استعانو بيها لان المانيكانات ما رضيوش يظهرو بيه.
البيكينى رغم انكده ما بيعتبرش اختراع جديد لانه كان معروف فى الازمنه القديمه و عند و اليونانيين. بعد ظهور البيكينى فى فرنسا انتشر فى نواحى العالم و ظهر كمان على پلاچات اسكندريه فى مصر و بقى اشهر مايوه بتلبسه الستات.
لان البيكينى بيتكون من حتتين خفاف فبيعتبر مريح فى اللبس على الپلاچ و فى العوم و بالذات لما الدنيا بتكون حر. و للبيكينى اشكال متنوعه منها الميكروكينى (microkini) و ده الكلوت بتاعه صغير، و المونوكينى (monokini) و ده بيتكون من كلوت بس من مش سوتيان، و التانكينى (tankini) و ده بيتكون من حتتين لكن الحته الفوقانيه بتغطى البطن، و الچى-سترينج (g-string) و ده بيكينى عادى بس الكلوت من ورا صغير.
فى الرياضه استخدم شكل من اشكال البيكينى كزى رياضى، و من سنة 1994 بقى الزى الرسمى لڤولى بول البلاچ للستات فى الاوليمبياد و بقت بتلبسه الستات فى مسابقات العاب القوى كمان.