From Wikipedia, the free encyclopedia
بوهيموند الساتت امير انطاكيا و كونت طرابلس Bohemond VI of antioch and Count of Tripoli ( اتولد 1252 - اتوفى 1275 ) ، ابن بوهيموند الخامس و لوسيانا دى سيجنى Lucienne di Segni. خلف ابوه فى حكم انطاكيا و طرابلس بعد وفاته سنة 1252 ، بعد ما انتزعها من امه رغم صغر سنه وقتها بمساعدة الملك الصليبى لويس التاسع Louis IX ، و بمساعدة لويس اتجوز سيبيل Sibyl بنت هيتوم الاول Het'um I ملك كيليكيا ( ارمنيا الصغرى ) و بالجوازه دى انتهى الصراع اللى كان داير ما بين الدولتين الجارتين.
| ||||
|---|---|---|---|---|
| معلومات شخصيه | ||||
| تاريخ الميلاد | سنة 1237 | |||
| تاريخ الوفاة | سنة 1275 (37–38 سنة)[1][2] | |||
| ابناء | بوهيموند السابع [3] | |||
| الاب | بوهيموند الخامس [3] | |||
| الخدمة العسكرية | ||||
| المعارك والحروب | الحمله الصليبيه التاسعه ، ومعركة عين جالوت | |||
تعديل مصدري - تعديل  | ||||
مع هيتوم اتحالف بوهيموند مع المغول و فى المقابل استرد مينا اللاذقيه اللى كانت ضاعت من عيلته من سنة 1188. المغول طلبو منه السماح للبطريرك اليونانى يوثيموس Euthymios بالقعاد فى انطاكيا فلما سمح له حرمه بابا الكاتوليك من الكنيسه الكاتوليكيه.
بعد انتصار مصر على المغول فى معركة عين جالوت سنة 1260 اراضى بوهيموند بقت مهدده بالانتقام بسبب تحالفه مع المغول و مساعدته العسكريه ليهم. و ده اللى حصل فى سنة 1266 لما الجيش المصرى بقيادة الامير قلاوون اقتحم كونتية طرابلس فى عهد السلطان الظاهر بيبرس و دمرها و قسمها نصين. و فى سنة 1268 ، هاجم الظاهر بيبرس انطاكيا و دمرها على اللى فيها و استولى على معظمها ، لكن بوهيموند كان وقتها فى طرابلس فنجى لكن الظاهر بيبرس بعت له جواب قاله فيه ان حظه طلع حلو ، و حكاله عن اللى عمله فى مملكته فى جواب طويل جه فيه :
وفتحناها بالسيف فى الساعه الرابعة من يوم السبت رابع شهر رمضان، وقتلنا اخترته لحفظها، والمحاماة عنها، و ما كان احد منهم ومنها، فلو رايت خيالتك، وهم صرعى تحت أرجل الخيل، وديارك والنهابة فيها تصول، والكسابة فيها تجول، وأموالك وهى توزن بالقنطار، و داماتك فكل اربع منهن تباع، فتشترى من مالك بدينار، ولو رأيت كنائسك وصلبانها قد كسرت ونشرت، وصحفها من الأناجيل المزورة و نشرت، وقبور البطارقة و بعثرت، ولو رأيت عدوك المسلم، و داس مكان القداس والمذبح، و ذبح فيها الراهب والقسيس والشماس، والبطارقة و دهموا بطارقة، وابناء المملكة و دخلوا فى المملكة، ولو شاهدت النيران وهى فى قصورك تحترق، والقتلى بنار الدنيا قبل نار الاخرة تحترق، وقصورك واحوالها قد حالت، وكنيسة بولص وكنيسة القسيان قد زلت كل منهما وزالت، لكنت تقول { يا ليتنى كنت تراباً } ، { ويا ليتنى لم أوت بده الخبر كتاباً }. ولكانت نفسك تذهب من حسرتك، ولكنت تطفى تلك النيران بماء عبرتك.
و ختم كلامه بقوله :
و كتابنا ده يتضمن البشرى لك بما وهبك الله السلامة، وطول العمر بكونك ماكانش لك فى أنطاكية فى دى المدة إقامة، وكونك ما كنت بيها فتكون إما قتيلا و إما أسيرا و إما جريحاً و إما كسيراً، و سلامة النفس هى التى يفرح بيها الحى إذا شاهد الأموات ، و لعل الله ما اخرك إلا علشان تستدرك من الطاعة والخدمة ما فات و الا اذا يسلم احد يخبرك بما جرى خبرناك، ولما لم يقدر احد يباشرك بالبشرى بسلامة نفسك، وهلاك ما سواها باشرناك بهذه المفاوضة وبشرناك، لتحقق الامر على ما جرى، و بعد دى المكاتبة الا ينبغى لك أن تكذب لنا خبراً، كما أن بعد دى المخاطبة لازم لا تسأل غيرها مخبراً
.[4]
فى سنة 1270 حصن الاكراد القوى اللى كان تابع لفرسان الاسبتاريه وقع هو كمان فى ايد بيبرس لكن بوهيموند قدر يتوصل لهدنه مع بيبرس مدتها عشر سنين.
اتوفى بوهيموند سنة 1275 و خلفه ابنه بوهيموند السابع على حكم اللى فضل من المملكه.
| بوهيموند الخامس | الفتره : 1252 - 1275 | بوهيموند السابع |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
