![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/3e/Old_Port_Royal_-_Project_Gutenberg_eText_19396.png/640px-Old_Port_Royal_-_Project_Gutenberg_eText_19396.png&w=640&q=50)
بورت رويال
From Wikipedia, the free encyclopedia
پورت رويال (انجليزى: Port Royal) كانت واحده من اهم الموانى فى جامايكا لحد ما دمرها زلزال اتسبب فى تسونامى يوم 6 يونيه 1692. مات فى الزلزال دا حوالى 3000 واحد يعنى تقريبا نص عدد سكان المدينه و بيوتها و مبانيها اللى كانت مبنيه على ارض الجزيره الرمليه اتزحلقت و اختفت كلها تحت المايه. محاولات اعادة بنا المدينه فشلت سنة 1710 لما قامت حريقه دمرت اغلب المبانى من تانى و فى سنة 1907 اتعرضت بورت رويال لزلزال تانى دمر اللى كان بقى منها. النهارده ما فضلش من بورت رويال غير قريه صغيره مالهاش اهميه و عدد سكانها حوالى 2000 واحد فيها يادوب كام اثر اتبقو من ايام العز بتوع المدينه و فيها كمان متحف صغير معروض فيها شويه تحف و اثار نشلوها من تحت المايه بعد ما غرقت المدينه.
بورت رويال | |
---|---|
Pirate stronghold | |
![]() An illustration of pre-1692 Port Royal | |
Country | Jamaica |
Parish | Kingston |
Founded | 1518 |
![Thumb image](http://upload.wikimedia.org/wikipedia/commons/thumb/3/3e/Old_Port_Royal_-_Project_Gutenberg_eText_19396.png/640px-Old_Port_Royal_-_Project_Gutenberg_eText_19396.png)
بورت رويال كانت فى ايام عزها واحده من اغنى المدن على مستوى العالم كله و كانو بيقولو عليها اغنى و اخبث مدينه فى العالم الجديد (انجليزى: richest and wickedest city in the New World). موقعها المتميز على الساحل الجنوبى بتاع جامايكا و وقوعها على طريق سفن التجاره الاسبانيه ما بين باناما و اسبانيا الام و بعدين ازدهار تجارة العبيد و السكر على السفن الانجليزيه كل دا خلاها مقر مهم للقراصنه اللى اتلمو فيها من حتت كتيره و بعيده من العالم كله لدرجة انها كان فيها قراصنه جايين من مدغشقر. هينرى مورجان Henry Morgan كان من اشهر القراصنه اللى عاشو فى المدينه ايام عزها فى الفتره دى و عملها المقر الرئيسى بتاع عمليات القرصنه و وصلت قوته ان الحكومه البريطانيه عينته حاكم على المدينه و على جامايكا كلها.