بطليموس الرابع
From Wikipedia, the free encyclopedia
بطليموس الرابع فيلوباتور (محب أبوه) - باليونانى : Πτολεμαῖος Φιλοπάτωρ -، رابع ملوك الدوله البطلميه فى مصر. حكم من 221 ق.م لغاية 203 ق.م . ابن بطليموس التالت يورجيتس ( الخير ) و برينيكى التالته. حارب انطيوخوس التالت و غلبه فى رفح سنة 217 ق.م. إتجوز اخته ارسينوى التالته، و حاول يحتفظ بعرش مصر لنفسه عن طريق إغتيال عدد من قرايبه. ابتدت الدوله البطلميه تضعف من عهده.
بطليموس الرابع هوه حاكم مصر رقم 153 |
---|
| ||||
---|---|---|---|---|
(باليونانى القديم: Πτολεμαίος Δ΄ Φιλοπάτωρ) | ||||
معلومات شخصيه | ||||
تاريخ الميلاد | سنة 244 ق م | |||
تاريخ الوفاة | سنة 205 ق م | |||
الزوجة | ارسينوى التالته | |||
ابناء | بطليموس الخامس | |||
الاب | بطليموس التالت | |||
الام | برينيكى التانيه | |||
اخوه و اخوات | ||||
عيله | البطالمه | |||
معلومات تانيه | ||||
اتعلم عند | اراتوسثينس | |||
اللغات المحكيه او المكتوبه | لغه يونانى قديم | |||
تعديل مصدري - تعديل |
اول حاجه عملها بطليموس فليباتور بعد ما قعد على عرش مصر بعد ابوه ، انه عمل مجلس استشارى عشان ياخد رأى مستشارينه لقتل امه برينيكى و اخوه ماجاس. القواد العسكريين وافقوه ، لكن كليومينيس ملك سبارطه المنفى فى مصر نصحه بانه ما يعملش كده. لكن برضه قتلهم و انتشرت فكرة انه قتل أبوه بطليموس التالت قبلهم كمان ، و انه اختار لقب " محب ابوه " عشان يغطى على جريمته.
بقتل أخوه و صغر سن انطيوخوس فى سوريا و فيليب فى مقدونيا بقى مالهوش منافسين جوه او بره مصر ، فعاش عيشة ملك طايش منغمس فى المتع ، و ساب الاسطول و الجيش يبوظ و ما بقاش مهتم بالأراضى التابعه لمصر براها. ابوه سلمه مصر كأقوى بلد فى العالم وقتها ، و هو بطيشه ساب كل حاجه تنهار. اول مشكله واجهها بطليموس الرابع كانت ثوره ضده فى اسكندريه دبرها كليومينيس ، و انتهت بانتحار كليومينيس بعد ما فشل فى الاستيلاء على قلعة اسكندريه.