بزوغ الفجر
From Wikipedia, the free encyclopedia
بزوغ الفجر هوا رابع و اخر روايه فى ملحمة الشفق اللى الفتها الكاتبة الامريكيه ستيفانى ماير. الكتاب مقسوم لتلت حتت او اجزاء, الاول و التالت بيتقال بكلام و منظور بيلا سوان اللى هيا بطلة الفصه و الجزء التانى بيتقال من منظور چاكوب بلاك المستئذب. الروايه, بتبدأ علطول بعد أحداث الروايه اللى قبلها اللى هيا الخسوف. بيلا و ادوارد بيعملوا حفلة جوازهم و وراهم چاكوب مكسور القلب و الخاطر بيهرب من الواقع و يتحول لهيئة الديب و يجرى بعيد. لما بيلا بتواجه الموقف الغير متوقع بتعمل اللى لازم يتعمل و بتاخد القرار الصعب بالتحول لمصاصة دماء عشان تنقذ حبها.
| |||||||
---|---|---|---|---|---|---|---|
Breaking Dawn | |||||||
معلومات الكتاب | |||||||
شكل من | روايه | ||||||
المؤلف | ستيفانى ماير | ||||||
البلد | امريكا | ||||||
بلد المنشأ | امريكا | ||||||
اللغه | انجليزى | ||||||
الناشر | ليتل براون | ||||||
تاريخ النشر | اغسطس 2008 | ||||||
مكان النشر | امريكا | ||||||
النوع الادبى | خيال-رومانسية | ||||||
موقع السرد | ولاية واشنطن [1] | ||||||
التقديم | |||||||
نوع الطباعه | كتب ورق- كتب على الكومبيوتر(سوفت كوبى)-اووديو(مسموعة) | ||||||
عدد الصفحات | 756 | ||||||
المواقع | |||||||
ردمك | 031606792X | ||||||
مؤلفات تانيه | |||||||
|
|||||||
تعديل |
ماير خلصت الخطوط العريضه للكتاب فى 2003 , لكنه اتطور و اختلف لما كتبت قمر جديد و الخسوف مع ذلك الأحداث الرئيسيه و المؤثره فى الروايه ما اختلفتش. دار النشر خدت اجراءات معينه عشان تمنع تسرب الروايه زى مسلن انها قفلت المنتديات و مواقع النت الخاصه بالمعجبين و كمان وفرت للمعجبين ايميل مخصوص عشان بيعتوا عليه لو لاقوا اى تسريب على النت.
بزوغ الفجر نزلت فى 2 أغسطس 2008 فى حفلة نص الليل فى اكتر من 40 الف محل فى كل انحاء الولايات المتحده الامريكيه. الطبعه الاولانيه كانت 3,7 مليون نسخه, فى امريكا و انجلترا بس اتباع اكتر من 1,3 مليون نسخه فى اول 24 ساعه من سعت نزول الكتاب. الكتاب كان ناجح اوى و اكتر من 6 مليون نسخه اتباعوا فى 2008 و كان احسن تالت روايه اتباعت فى 2008 بعد الشفق و قمر جديد.
نقد الروايه كان انها متوسطة الجوده و لكنها اكتر روايه فى السلسله اثاره للجدل. ده كان عشان الروايه ناقشت مواضيع و حاجات اكتر نضج, و رغم انالنقد اللى خادته إلا انها خدت احسن كتاب للاطفال فى المسابقه السنويه فى بريطانيا. اترجمت الروايه لاكتر من 38 لغه و اتباعت حقوق النشر فى اكتر من 50 دوله. الروايه اتعملت على فيلمين و اول واحد اتعرض فى 16 نوڤمبر 2011 و التانى فى نفس التوقيت 16 نوڤمبر 2012.