![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/a/ad/Swiss_Federal_Assembly_session%252C_with_spectators_gallery.jpg/640px-Swiss_Federal_Assembly_session%252C_with_spectators_gallery.jpg&w=640&q=50)
برلمان
From Wikipedia, the free encyclopedia
البرلمان او البار لى فدار لامان (من اصل فرنساوى: Parlement, نطق: /paʁləmɑ̃/, اللى من اصل: ”parler“/paʁle/) او مجلس النواب بدرب السلطان او مجلس الشعب هو هيئة تشريعيه بتمثل السلطه تشريعيه فى الدول اللى عندها دستور, البرلمان المفروض يبقى مختص و مسؤل على السلطه التشريعيه. البرلمان شكل من اشكال الفصل بين السلطات اللى من اهم افكار الليبراليه. البرلمان ليه دورين. دور رقابى, دور تشريعى, اولا الدور الرقابى, وهوا انه يشوف شغل الحكومه شغاله ازاى وبتعمل ايه وبيمارس المجلس الدور الرقابى بتاعه بكزا وسيله زى. طلب احاطه. بيان عاجل. سؤال. استجواب. اولا طلب الاحاطه, و هوا ان نايب او اكتر يطلبو من الحكومه او واحد من اعضائها انه يوضحلهم موضوع معين, و طلب الاحاطه اخف وسيله او صوره من صور الرقابه. البيان العاجل, صوره تانيه من صور الرقابه ويكون فى المواضيع اللى مهمه اكتر من المواضيع اللى بتتناقش فى طلبات الاحاطه. السؤال و بيتم بتوجيه سؤال للحكومه او واحد من الاعضاء بتوعها و والسؤال بياخد شويه معنى الاتهام سواء اتهام بالتقصير او الاهمال او الفساد او اهدار المال العام او اى سبب بيستدعى مسائلة الحكومه. الاستجواب و ده زى اتهام صريح للحكومه او واحد من اعضائها و عليه انه يرد, والاستجواب زى مايكون تحقيق مع عضو الحكومه, و الاستجواب اخطر وسايل الرقابه اللى ممكن ينتهى بسحب الثقه من الوزير او من رئيس الحكومه نفسها, وفى حالة سحب الثقه من وزير بيقدم استقالته, اما لو الثقه اتسحبت من رئيس الحكومه فاستقالة رئيس الحكومه بتكون استقاله لكل الوزرا, لان مسئولية الوزارة تضامنيه.