![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/f/fb/Port_of_Piraeus.jpg/640px-Port_of_Piraeus.jpg&w=640&q=50)
المينا
From Wikipedia, the free encyclopedia
المينا او البورت port هو منشاه بحريه ممكن يكون فيها رصيف واحد او اكتر عشان السفن ترسى فيها اما لتحميل او تفريغ الركاب و البضايع, معظم الموانى فى العاده بتكون على ساحل البحر او داخليه على مصب النهر و فى منهازى هامبورج و مانشستر و دولوث موجوده على بعد اميال مع امكانيه الوصول للبحر عن طريق النهر او القناه, بسبب ادوارها كمينا لدخول المهاجرين حصل فى كتير من المدن الساحليه زى لندن و نيو يورك و شنجهاى و لوس انجلوس و سينجابوره و ڤانكوڤر تغيرات متعدده الاعراق و الثقافات.[1][2][3]
![Thumb image](http://upload.wikimedia.org/wikipedia/commons/thumb/d/da/Line0535.jpg/640px-Line0535.jpg)
الموانى مهمه للغايه بالنسبه للاقتصاد العالمى و هيا مسؤوله عن 70٪ من تجارة البضايع العالميه و علشان كده بيحصل فيها تركيزات عاليه من سكان العالم بتوفر العماله اللازمه لمعالجه و مناوله السلع و الخدمات اللى ليها صله بالموانى, اكبر نمو فى تطوير الموانى موجود فى آسيا و اللى بتضم اكبر الموانى و اكترها ازدحام فى العالم زى سينجابوره و موانى شنجهاى و نينجبوه-تشوشان الصينيه, من سنة 2020 كان مينا هيلسينكى فى فينلاندا هوا اكتر موانى الركاب ازدحام فى العالم و مع كده ممكن تكون الموانى كمان صغيره جدا و ما بتخدمش غير الصيد المحلى او السياحه.
بتعتبر الموانئ مسؤوله عن عدد من التاثيرات البيئيه على الايكولوجيا المحليه و طرق الميه زى التاثيرات المباشره على جودة الميه الناتجه عن التجريف و الانسكابات و غيرها من التلوث, الموانى بتتاثر بشكل كبير بالعوامل البيئيه المتغيره اللى بيسببها تغير المناخ و الاهم من ده ان معظم البنيه التحتيه للموانئ معرضه بشده لارتفاع مستوى سطح البحر بسبب طبيعتها المنخفضه اللى بيخليها معرضه للظروف الجويه القاسيه و الفيضانات الساحليه.