![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/1/1b/American_officer_and_French_partisan_crouch_behind_an_auto_during_a_street_fight_in_a_French_city._-_NARA_-_531322_-_restored_by_Buidhe.jpg/640px-American_officer_and_French_partisan_crouch_behind_an_auto_during_a_street_fight_in_a_French_city._-_NARA_-_531322_-_restored_by_Buidhe.jpg&w=640&q=50)
المقاومه الفرنسيه
From Wikipedia, the free encyclopedia
المقاومة الفرنسية (فرنساوى: Résistance intérieure française) هو الاسم الرسمى لحركة مقاومة فرنسيه كانت بتحارب و بتنفذ عمليات ضد الالمان و حكومة فرنسا فيشى التابعه ليها فى الحرب العالميه التانيه كجزء من قوات فرنسا الحرة. الموضوع كله ابتدى لما المانيا النازيه احتلت اجزاء من فرنسا دا خلى وطنيين و فدائيين فرانسويين يتجمعوا و يعملوا مجموعات صغيره اتكونت من رجاله و ستات اتسمت باسم الماكيز (maquis) بتتجمع تحت تنظيم المقاومة الفرنسيه اللى كانت بتساعد حكومة فرنسا الحرة برئاسة شارل ديجول و حركة المقاومة اللى كانت بتعمل عمليات فدائيه منظمة و كتيره ضد الالمان و دول المحور و حكومة فيشى و كانت بتساعد قوات الحلفا و كانو بيطبعوا منشورات و عملوا شبكه اذاعيه عشان تساعد الجيوش ضد الالمان . المقاومه كانت بتكون من مسيحين كاتوليك و يهود و من الليبراليين و الشيوعيين و الاشتراكيين و طبقات مختلفه من شعب فرنسا اتوحدوا ضد احتلال المانيا النازيه ليهم. المقاوميين الفرانسويين بيعتبروا لحد دلوقتى ابطال فى فرنسا حاربوا و ماتوا فى سبيل فرنسا.
![Thumb image](http://upload.wikimedia.org/wikipedia/commons/thumb/e/e6/Member_of_the_FFI.jpg/320px-Member_of_the_FFI.jpg)
![Thumb image](http://upload.wikimedia.org/wikipedia/commons/thumb/2/26/Bundesarchiv_Bild_146-1983-077-14A%2C_Frankreich%2C_Festgenommene_Widerstandsk%C3%A4mpfer.jpg/640px-Bundesarchiv_Bild_146-1983-077-14A%2C_Frankreich%2C_Festgenommene_Widerstandsk%C3%A4mpfer.jpg)