Zhangye (张掖市), früener Ganzhou (甘州), isch e bezirksfreiji Stadt im Nordweste vo dr chinesische Browinz Gansu. Iir Verwaltigsgebiet bildet s Middelstück vom Hexi-Korridor. Es het e Flechi vo 40'874 km² und öbbe 1,28 Mio. Iiwooner. D Bevölkerig setzt sich us 26 Ethnie zämme, drunder Hui, Yugur und Tibeter. Im Oste gränzt Zhangye an d Stedt Wuwei und Jinchang, im Weste an Jiuquan und Jiayuguan, im Süde an d Browinz Qinghai und im Norde an s Autonome Gebiet Inneri Mongolei.