Washington, D.C. [] isch d Hauptstadt und dr Sitz vo dr Regierig vo de Vereinigte Staate vo Amerika. D Abchürzig D.C. stoht für dr District of Columbia, wo mit em Stadtgebiet vo dr Stadt idäntisch isch. Das Gebiet ghört zu keim Bundesstaat, sondern isch as Bundesdistrikt diräkt em Kongräss understellt. D Stadt isch noch em George Washington, em Oberbefählshaber im Unabhängigkeitschrieg und erste Bresidänt vo de Vereinigte Staate benennt. Dr District of Columbia isch noch Columbia, ere poetische Bezeichnig für d USA, benennt.