Tetiaroa isch en Atoll im Pazifik, wo 42 km nördlig vo Tahiti lit. Es bestoot us 13 Äinzelinsle, wo sich um d Lagune grubbiere. Die ganzi Landflechi vom Atoll isch öbbe 6 km² grooss. Tetiaroa ghöört geografisch zu de Insle über em Wind vo de Gsellschaftsinsle, administrativ zelt s zu Franzöösisch-Polynesie und dört zur Gmäind Arue uf Tahiti. S Dorf Tetiroa und e Landbaan lige im Nordoste vo dr Insle Onetahi.