D Stäinevorstadt isch e Strooss im Baasler Vorstedtkwardier. Si goot vom Stäinebärg bim Barfiesserblatz bis zur Heuwoog. D Stäine, wie mä gäärn säit, isch d Baasler Kinostrooss, Iikauf- und Vergniegigsmäile. As Verkeersaadere spiilt d Stäinevorstadt kä Rolle, au friener isch die diräkti Verbindig vo dr Altstadt ins Läimedaal duur d Elisabethestrooss/Stäinedoorstrooss gange.