D Avenue des Champs-Élysées [] z Paris, au churz Champs-Élysées oder umgangssprochlig Les Champs, isch eini vo de grosse Prachtstrosse vo der Wält. Si lit im nordwestlige Deil vo der Stadt Paris im 8. Arrondissement. Ihre Usgangspunkt si die beide Statue vo de Rossgruppe, d Chevaux de Marly vom Guillaume Coustou em Eltere, wo westlig vo der Place de la Concorde stöhn. Si isch 1910 Meter lang und 70 Meter breit und ändet mit der Iimündig in d Place Charles-de-Gaulle, wo der Pariser Triumphboge druf stoht. Si bildet dr mittler Deil und s Ruggegroot von ere einzigartige Sichtachse, wom ere «axe historique» sait.