Westberlin

Westberlin isch dur d'Abtrennig vum dr sowjetische Sektor vu Gsamtberlin in dr Johre 1946-48 entstande. D'Mitglidschaft zue Westdütschland isch vo dr drei Westalliierte supendiert gsi.

D Laag vo West-Berlin im domoolige däilte Dütschland

D Faane vo West-Berlin entspricht dr hütige Faane vo Berlin.

West-Berlin (Charte vo 1978)

Westberlin vo 1949 bis 1989

Während dr Isolierig vum Umland isch d'Iwohnerzahl vu Westberlin zwische 1949 un 1989 vu 2,4 uf 1,9 Millione Lyt gsunke. D'Stadt isch wäge dr Abschnürig dur DDR numme dur hochi Subventione us Westdytschland un Priviligie fer d'Iwohner yberläbensfähig gsi.

Sit dr 1960er Johre isch Berlin dur dr Zuezug vu türkische Gastarbeiter zu einere vu dr grösste türkische Kommune usserhalb vu dr Türkei worre (öppe 150.000 Türke 1989). D'Volkslegende, Berlin sei nooch Istanbul un Ankara die drittgrösst türkisch Stadt, isch aber immer e blossi, liicht usländerfeindlichi Propaganda gsi un het nie zuetroffe. (Lueg dezue au Liste vu dr türkische Städte)

Ufgrund vu dr Suspendierig vu dr Mitglidschaft zue dr Bundesrepublik Dytschland hän Westberliner nit müesse zue dr Bundeswehr oder zum Zivildienst. Drum hän sich viili jungi Männer vor dr Yberuefig zue dr Musterig nooch Berlin abgsetzt, um siich vorem Wehr- oder Zivildienst z'drucke.

Westberlin het im dytsche Bundesrot kai Stimmrächt gha, d'Westberliner Abgeordnete im Bundestag sin vum Abgordnetehus un nit vum Volk gwählt worre un sin im dytsche Bundestag ebefalls ohni Stimm gsi.

D'Stadt het s'Alleivertretätigsrächt fer ganz Berlin fer isch beasprucht. Westdytschi Gsetze hän müesse vum Westberliner Abgeordnetehus nomol beschlosse un vu dr westalliierte Stadtkommandante genähmigt werre müesse, demit si golte hän.

Westberlin het au eigeni Briefmarke gha.

Dr Fall vo dr Berliner Muure

Nooch em Fall vu dr Berliner Mure am 9. November 1989 isch Berlin de facto un mit em Bitritt vu dr DDR mit Ostberlin zum Geltigsberiich vum Grundgsetz am 03. Oktober 1990 au de iure wiidervereinigt worre. Devor isch Westberlin im Juli 1990 zu eme vollwertige Bundesland vu Dytschland ufgwertet worre, indem es volls Stimmrächt im Bundesrot erhalde het.

D Verschuldig

Ufgrund vu dr Alimentierig sowohl vu Westberlin dur d'Bundesrepublik wie au vu Ostberlin dur d'DDR het sich bi dr Berliner Lokalpolitiker e Subventionsmentalität usbildet, wo mit yberzogene Erwartige an d'Stadtentwicklig nooch dr Wiidervereinigung in dr 1990er Johre dezue gfüehrt het, dass Berlin s'Bundesland mit dr höchste Pro-Chopf-Verschuldig worre isch.

Litratuur

• Horst Bosetzky: West-Berlin. Erinnerungen eines Inselkindes, Berlin 2006, ISBN 978-3-89773-531-6.
• Werner Eckelt: Requiem auf West-Berlin. Bilder aus einer verlorenen Zeit. Hrsg. v. M. Heckmann und J. Schoeps, Leipzig 2000, ISBN 978-3-89487-371-4.
• Olaf Leitner (Hrsg.): West-Berlin. Berlin (West). Westberlin. Die Kultur – die Szene – die Politik. Erinnerungen an eine Teilstadt der 70er und 80er Jahre, Berlin 2002, ISBN 3-89602-379-9.
• Rudolf Lorenzen: Paradies zwischen den Fronten: Reportagen und Glossen aus Berlin (West), Berlin 2009, ISBN 978-3-940426-29-1.
• Ulf Mailänder, Ulrich Zander: Das kleine Westberlin-Lexikon. Von „Autonome“ bis „Zapf“. Die alternative Szene der siebziger und achtziger Jahre, Berlin 2003, ISBN 3-89602-518-X.
• Wilfried Rott: Die Insel: Eine Geschichte West-Berlins 1948–1990, München 2009, ISBN 978-3-406-59133-4.
• Jürgen Scheunemann, Gabriela Seidel: Was war los in West-Berlin 1950–2000, Erfurt 2002, ISBN 3-89702-321-0.
• Kerstin Schilling: Insel der Glücklichen. Generation West-Berlin, 2. Aufl., Berlin 2005, ISBN 3-936324-26-3.
• Gabriele Wachter (Hrsg.): War jewesen. West-Berlin 1961–1989, Berlin 2009, ISBN 978-3-86964-014-3.
• Die Insel West-Berlin, Zeitschrift für Ideengeschichte 2, Heft 4, München 2008, ISBN 978-3-406-57267-8.
• George Bailey, Sergej A. Kondraschow: Die unsichtbare Front. Der Krieg der Geheimdienste im geteilten Berlin, Berlin 1997, ISBN 978-3-549-05603-5.

Weblingg

Allgemäin

• Grundgesetz in der Originalfassung von 1949 mit Bezugnahme auf Groß-Berlin in Artikel 23
• Genehmigungsschreiben der Militärgouverneure der britischen, französischen und amerikanischen Besatzungszone zum Grundgesetz vom 12. Mai 1949 mit Bezugnahme auf Groß-Berlin in Nr. 4

Weblingg zu de Exklave

• Berliner Exklave (änglisch)
• Berliner Exklave uf Dütsch mit Charten
• Übersicht zur Veriibarig über Gebietsusdusch im Joor 1988

Lueg au

• Ostberlin