De Tuotilo (altirisch: Tuathal) isch en irische Mönch gsii, wo im Chlooster Sanggale vo öppe 895 bis 913 gwörkt het. Er isch e Fründ vom Ratpert und em Notker Balbulus gsii.
De Tuotilo isch z Irland uf d Welt cho und ufgwachse. As Wandermönch hets en uf Sanggale verschlage, won er Schüeler vo sim Landsmaa Marcellus Moengal woren isch. Vom Tuotilo sind e paar Hymne bikannt. Birüemt wore isch er aber, wel er e gschickte Elfebaischnitzer gsii isch. Dozmol isches Bruuch gsii, wertvolli Büecher mit gschnitzte Elfebaitafle iizfasse und s bikanntischt Werch vom Tuotilo isch woll d Iifassig vom Sanggaller Evangelium Longum (Cod. Sangg. 53), wo de Gallus mit em Bär und d Himmelfaart vo de Muettergottes darstellt.
S Lebe vom Tuotilo isch vom Ekkehard IV. uufgschribe wore. Sin Namestag isch em 28. März.
d Vordersitte mitem Jesus Christus
d Hendersitte mit de Maria und em Gallus
Mariä Himmelfaart
de Gallus mitdem Bäär
Blätter und e Loi won e Tier aafallt
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
