Thales von Milet

Dr Thales vo Milet (altgriech. Θαλῆς ὁ Μιλήσιος, Thalḗs ho Milḗsios; * um 624 v. d. Z.; † um 547 v. d. Z.) isch e antike griechische Filosoof, Mathematiker und Astronom gsi, wo z Milet gläbt het.

Darstellig vom Thales us eme schwedische Lexikon vo 1875

Dr Thales gälet as dr erst Filosoof vo dr oobeländische Dradizioon. Scho dr Aristoteles und dr antiki Filosofiihistoriker Diogenes Laertios häi en an dr Aafang vo iire Filosofiigschichte gstellt. Die modärni Gschicht vo dr Filosofii zelt en zur Grubbe vo de Vorsokratiker.

Öb dr Thales Schrifte verfasst het, wäiss mä nit. Das Bitzeli, wo hüte von em bekannt isch, chunnt vo Wärk vo andere antike Autore.

Si Leer

Dr Thales het brobiert die natüürlige Erschiinige mit dr Vernumft z erkläre ooni uf Mythene zruggzfalle oder Rücksicht z nee. Die mäiste andere Vorsokratiker häi dä Aasatz zum Vorbild gnoo, und das het denn zun ere wüsseschaftlige Revoluzioon gfüert. Dr Thales isch au dr ersti gsi, wo allgemäini Brinzip definiert und Hüpothese ufgstellt het.

Dr Satz vom Thales: wenn AC dr Durchmässer vom ene Krais isch und B lit uf dr Kräislinie, denn isch dr Winkel zwüsche AB und BC e rächte Winkel.

In dr Mathematik het er Brobleem mit Hilf vo dr Geometrii glööst, wie zum Bischbil d Berächnig vo dr Hööchi vo Püramiide oder d Distanz wo Schiff zum Ufer häi. Dr sogenannt Satz vom Thales isch scho de alte Egüpter und Babylonier bekannt gsi, aber erst dr Thales het e Bewiis für en gfunde.

Kwellesammlige

• Hermann Diels, Walther Kranz (Hrsg.): Die Fragmente der Vorsokratiker. Band 1, Berlin 1903, S. 3-11 (Digitalisat: Band 1 vo dr 2. Uflaag, 1906)
• Laura Gemelli Marciano (Hrsg.): Die Vorsokratiker. Band 1, Artemis & Winkler, Düsseldorf 2007, ISBN 978-3-7608-1735-4, S. 6–31
• Jaap Mansfeld (Hrsg.): Die Vorsokratiker. Band 1, Reclam, Stuttgart 1983, S. 44–55
• Georg Wöhrle (Hrsg.): Traditio Praesocratica. Zeugnisse frühgriechischer Philosophie und ihres Fortlebens. Band 1: Die Mileser: Thales. De Gruyter, Berlin 2009

Litratuur

• Hans Blumenberg: Das Lachen der Thrakerin. Eine Urgeschichte der Theorie. Frankfurt 1987
• Helmuth Gericke: Mathematik in Antike und Orient. Springer, Berlin 1984.
• Willy Hartner: Eclipse Periods and Thales' Prediction of a Solar Eclipse. Historic Truth and Modern Myth. In: Centaurus 14, 1969, S. 60-71
• Thomas Schirren, Georg Rechenauer: Zum Leben der einzelnen Philosophen. 1. Thales und Niels Christian Dührsen: Thales. In: Hellmut Flashar u. a. (Hrsg.): Frühgriechische Philosophie (= Grundriss der Geschichte der Philosophie. Die Philosophie der Antike, Band 1), Halbband 1, Schwabe, Basel 2013, ISBN 978-3-7965-2598-8, S. 182–184 (Biographie) und 237–262 (Werk, Lehre, Rezeption)
• Bruno Snell: Die Nachrichten über die Lehren des Thales und die Anfänge der griechischen Philosophie- und Literaturgeschichte. In: Philologus 96, 1944, S. 170 ff. (au in: Bruno Snell: Gesammelte Schriften. Vandenhoeck und Ruprecht, Göttinge 1966, S. 119-128)

Weblingg

 Commons: Thales – Sammlig vo Multimediadateie

• Patricia O’Grady: „Thales“ in dr Internet Encyclopedia of Philosophy (änglisch mit Literaturaagabe)
• Thales of Miletus. In: MacTutor History of Mathematics archive. (änglisch)
• Wilhelm Nestle (Hrsg.): Die Vorsokratiker in Auswahl übersetzt und herausgegeben (Site cha nüme abgrüeft wärde; Suche im Webarchiv) Vorlage:Toter Link/www.bookprep.com, Diederichs, Jena 1908 (Digitalisat)
• Karl Bormann: Thales von Milet. In: UTB-Online-Wörterbuch Philosophie
• Egon Gottwein: Thales aus Milet
• Universität Cluj: Fragmänt (Site cha nüme abgrüeft wärde; Suche im Webarchiv) Vorlage:Toter Link/hiphi.ubbcluj.ro (griechisch, änglisch, franzöösisch; PDF; 216 kB)
• Jeremy Anderegg: Thales von Milet

Dä Artikel basiert uff ere fräie Übersetzig vum Artikel „Thales_von_Milet“ vu de dütsche Wikipedia. E Liste vu de Autore un Versione isch do z finde.

Normdate: GND: 118801732 | LCCN: n86024245 | SUDOC/IdRef: 027649660 | VIAF: 290923996