From Wikipedia, the free encyclopedia
D' Re 450 isch ä viärachsigi Umrichterloggi vu de Schwiizerische Bundesbahne mit 'me Gepäggabteil und nur eim Füehrerstand. Im Ganze sind vum 1989 bis zum 1997 115 Loggene für d' Doppelstogg-Pändelzüg vu d'r Zürcher S-Bahn buut wordä. Diä Zugseinheite sind au anderwitig uf em Schinänetz vu de SBB iisetzbar. Si isch verwandt mit d'r SLM Re 456 wu di Schwiizerisch Loggi- und Maschinäfabrigg vu Winterthur für Privatbahne buut het. S' Fahrwärch stammt vu d'r Schwiizerische Industriegsellschaft z' Nüühuse am Rhifall. S' wiitere Konsorzium het us d'r SLM, de Brown Boveri und de Schindler Waggon vu Prattele bschtande.
SBB Re 450 | |
Betriib | |
---|---|
Baujahr | 1989–1997 |
Betriibsnummere (UIC) | Re 450 000 – Re 450 114 |
Stuckzahl | 115 |
Ysatzgebiet | S-Bahn Zürich |
Wartigswerch | Yverdon |
Technischi Date | |
Fahrzeugtyp | elektrischi Lokomotive in Umrichtertechnik |
Hersteller | SLM Winterthur ABB Zürich SIG Neuhausen Schindler Waggon Pratteln |
Achsfolg | Bo'Bo' |
Höchstgschwindigkeit | 130 km/h |
Leischtig | 3200 kW |
Stundezugchraft | 240 kN |
Aafahrzugchraft | 240 kN |
Masse un Gwicht | |
Längi über Puffer | 18'400 mm |
Breiti | 2'980 mm |
Höchi | 4'500 mm |
Gwicht | 74 t |
Usstattig | |
Zugformation | Re-B-AB-Bt |
Sitzplätz | 387 |
in dr erschte Chlasse | 81 |
in dr zwote Chlasse | 306 |
Nutzlast D-Abteil | 4t |
Ä doppelstöggigi S-Bahn-Komposiziuu bschtuht us d'r Loggi, zwii Mittelwäge, ein d'r vuu mit Erschtklassabteil und 'me Stüürwage. Si sind mit automatische Kupplige uusgrüschtet. Revidiärt wärdet's im Induschtriewärk sprich i d'r Hauptwerchstatt vu Yverdon.
Vu de 115 Fahrzüg sind hüt 2 Stugg im Bsitz vu d'r Sihltalbahn.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.