Süßgräser

D Süessgreeser (Poaceae = Gramineae) sin e Pflanzefamilie, wo uf dr ganze Wält und in alle Klimazone verbreitet isch. D Arte, wo drzueghööre, häi die tüpisch grasartig Form.

Süessgreeser
Grannen-Ruchgras (Anthoxanthum aristatum)
Systematik
Underabteilig: Soomepflanze (Spermatophytina) Chlass: Bedecktsamigi (Magnoliopsida) Monokotyledone Commelinide Ordnig: Süessgrasartigi (Poales) Familie: Süessgreeser
Wüsseschaftlige Name
Poaceae
(R.Br.) Barnhart

D Süessgreeser ghööre zu de eltiste Nutzpflanze und sin sit langem für e Mensche vo lääbeswichdiger Bedütig. Alli Gedräid wie Wäize, Rogge, Gärste, Haaber, Hirse, Mais und Riis ghööre zu dere Pflanzegrubbe. As Määrtfrücht und as Veefueter sin si d Basis für d Ernäärig vo dr Bevälkerig vo dr ganze Wält. As Gras- oder Grüenland wie Matte und Wäide, aber au Steppe und Savanne brääge si s Landschaftsbild vo wite Däil vo dr Wält. Es git öbbe 10'000 Süessgreeserarte in mee as 650 Gattige und das macht sä zu äinere vo de grösste Familie vo de Blüetepflanze.

Bildli

• 
  Morfologischi Merkmol vom Halm und vo de Bletter bim Fuggsschwanz
• 
  E schematischi Daarstellig vom ene Ääri mit zwäi Blüete vom ene Süegras und e Blüetediagramm
• 
  E schematische Lengsschnitt dur e Wäizechorn
• 
  E Rispe vom Fluug-Haaber (Avena fatua)
• 
  S Wurzlesüstem vom Gwöönlige Strandhaaber
• 
  E Bambus-„Wald“ mit Phyllostachys edulis

Literatur

• Charles Edward Hubbard: Gräser. Beschreibung, Verbreitung, Verwendung (= UTB. Band 233). 2. Uflaag. Eugen Ulmer, Stuttgart (Hohenheim) 1985 (Originaltitel: Grasses, übersetzt vom Peter Boeker), ISBN 3-8001-2537-4.
• Peter Sitte, Elmar Weiler, Joachim W. Kadereit, Andreas Bresinsky, Christian Körner: Lehrbuch der Botanik für Hochschulen. 35. Uflaag. Spektrum Akademischer Verlag, Heidelberg 2002, ISBN 3-8274-1010-X.
• Ernst Klapp, Wilhelm Opitz von Boberfeld: Taschenbuch der Gräser. Erkennung und Bestimmung, Standort und Vergesellschaftung, Bewertung und Verwendung. 13. Uflaag. Eugen Ulmer, Stuttgart (Hohenheim) 2006, ISBN 3-8001-4775-0.
• David John Mabberley: The Plant Book. A portable dictionary of the higher plants. Cambridge University Press 1987. ISBN 0-521-34060-8

Weblingg

 Commons: Süessgreeser (Poaceae) – Sammlig vo Multimediadateie

• D Familie vo de Poaceae uf dr APWebsite. ('ngl.)
• Gramineae Juss. bei L. Watson and M. J. Dallwitz: The Families of Flowering Plants, Beschriibig im DELTA-Format.
• Shou-liang Chen, De-Zhu Li, Guanghua Zhu, Zhenlan Wu, Sheng-lian Lu, Liang Liu, Zheng-ping Wang, Bi-xing Sun, Zheng-de Zhu, Nianhe Xia, Liang-zhi Jia, Zhenhua Guo, Wenli Chen, Xiang Chen, Yang Guangyao, Sylvia M. Phillips, Chris Stapleton, Robert J. Soreng, Susan G. Aiken, Nikolai N. Tzvelev, Paul M. Peterson, Stephen A. Renvoize, Marina V. Olonova & Klaus Ammann: Poaceae in der Flora of China, Volume 22: Online.