Dr Rolf Lorenz (* 19. April 1956) isch e dytsche Filmmacher, Chinschtler un Marketingexpert.
Lääbe
Vu 1975 bis 1983 het dr Lorenz an dr Universiteet Fryburg Anglischtik, Geografy un Gschiicht studiert. As Stipendiaat vum DAAD un dr Uni Fryburg isch er fir zwai Joor in dr USA gsii un het deert an dr Clark University z Worcester, Massachusetts un an dr University of Michigan, Ann Arbor, Michigan Film Studies & Telecommunications studiert. Noch em Staatsexame 1983 het er bis 1985 s Studiereferenariaat fir s Leeramt an Gimnasie z Duttlinge un z Rautweil gmacht. Näbehär het er as Verdriibslaiter fir änglischsproochigi Määrt bi dr Lackfabrik Kuon, Rautweil gschafft. Vu 1991 bis 1993 het er e Wyterbildig in Organisazioonsassischtänz an dr Wirtschaftsakademie Bad Harzburg gmacht un vu 1994 bis 1995 e Uusbildig as NLP Practitioner & Master bi cnlpa/Klaus Grochowiak.
Vu April 1985 bis Dezämber 1990 het er in dr Filmbranche gschafft, as Studiolaiter vu TC Studios & Quadro-TV- und Filmproduktion z Ludwigsburg.
Vu 1991 bis 2010 isch er gschäftsfierende Gsellschafter bi dr Roth & Lorenz GmbH - Agentur für Marketingkommunikation (bis 1997 Agentur für Sponsorship & Event-Marketing Roth Lohre Lorenz) z Stuegert gsii, wun er zäme mit em Ulrich Roth un em Günther Lohre ufböue het. Dr Lohre isch anne 1997 uusgschiide, dr Rolf Lorenz het si 2010 e Uuszyt gnuu un as freie Consultant un Coach gschafft, unter andere au fir d Roth & Lorenz GmbH. Anne 2013 isch er ändgiltig us dr Agentur uusgstiige un het syni Aadail an dr Roth verchauft.
Syterhär schafft dr Lorenz as freie Chinschtler. Moole gleert het er bim Alexander Jeanmaire, em Günther Reil un dr Gabriele Middelmann.
Anne 1985 het dr Rolf Lorenz bim Wettbewärb Jungi Mundart 84 vu dr Muettersproch-Gsellschaft dr 2. Bryys fir Prosa gwunne. Täxt vun em uf Alemannisch sin in dr Anthology D Hailiecher uusechuu. Syterhär isch dr Lorenz nimi as Dialäktautor in Erschyynig drätte.
Wäärch
- Gedichte und Prosa. In: D Hailiecher, Alemannische Anthologie Junge Mundart. Hrsg. Markus Manfred Jung/Muettersproch-Gsellschaft, Morstadt Verlag, Kehl 1987
Weblink
- Websyte vum Rolf Lorenz
- dr Rolf Lorenz uf LinkedIn
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
