S Ostfrankeriich (latiinisch regnum francorum orientalium), isch s östlige Riich gsi, wo bi dr Deilig vom Fränkische Riich im Johr 843 em Ludwig em Dütsche zuegsproche worden isch. Es isch e Vorläufer vom Heilige Römische Riich gsi.
Gschicht
Mit em Verdrag vo Verdun hai im Johr 843 d Söhn vom Ludwig I. em Fromme, wo 840 gstorbe gsi isch, dr Lothar I., dr Karl II. dr Kahl und dr Ludwig II. dr Dütsch em Kampf um d Macht im Frankeriich en Ändi gmacht und sich in d Herrschaft deilt. Dr Lothar het dr mittleri, dr Karl dr westlig und dr Ludwig dr östlig Deil vom Riich übercho. Scho 870 hai dr Karl und dr Ludwig ihri Riich vergrösseret, wo si im Verdrag vo Meerse s middlere Riich under sich ufdeilt hai. Es het denn immer no d Mögligkeit bestande, ass sich d Deilriich wie früehner under de Merowinger wider under eim Herrscher wurde zum ene Ganze vereinige. Noch em Dod vom letzte ostfränkische Karolinger isch im Jahr 911 dr Konrad I., wo zwar e Frank aber kei Karolinger gsi isch, zum König gwehlt worde. Mit dere Wahl isch ei Band zum Westfränkische Riich zerstört worde. Mit dr Königswahl vom Otto Herzog vo Sachse 936 isch zum erste Mol sit Johrhunderte kei Frank meh Herrscher gsi. 962 isch dr Otto I. denn zum Kaiser krönt worde und me gseht das as s Ändi vom Ostfrankeriich und dr Afang vom Heilige Römische Riich.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
