Dr Martin Winterhalter (* 13. Novämber 1940 z Ättene) isch e dytsche Lehrer un Dialäktdichter.
Dr Winterhalter isch as erschts vu drei Chinder uf d Wält chuu. Ufgwachse isch er z Ättenewyler. Noch em Abitur am Gimnasium z Ättene het er an dr Pedagogische Hochschuel z Fryburg uf Lehramt studiert. Är het zerscht an ere Realschuel z Wolfe unterrichtet, derno z Kähl un speter an dr Hilfsschuel z Offeburg. Schließli het er z Stuegert no Hilfsschuel- un Sprochhailpedagogik studiert. Bis 1968 het er z Lohr gschafft, derno het er dr Ufdrag iberchuu, fir dr Sidbezirk e aigeni Hilfsschuel ufzböue. Wel s z Ättene kai Ryym gee het, isch die Hilfsschuel schließli z Orschwier ufgmacht wore. Är isch 32 Johr lang bis zue syre Pensionierig anne 2000 Räkter vu dr Hilfsschuel Orschwier gsii, hit haißt si Ferderschuel Orschwier. Dr Winterhalter isch au 30 Johr lang im Vorstand vu dr chilchlige Sozialstation gsii.
Anne 1964 het er d Ortrud Strickfaden ghyrote. Si hän zäme vier Sihn iberchuu.
Dr Martin Winterhalter schrybt syt langem Gedicht un Gschichtli uf Alemannisch, mänkmol au uf Hochdytsch. Syne Rede, wun er ghalte het, wänn d Schueler us dr Schuel entloo wore sin, sin vylmol in Gedichtform uf Alemannisch gsii. Är isch Mitglid vu dr Muettersproch-Gsellschaft un het dert d Regionalgruppe „Rund um dr Kahlreberg“ mitgrindet. Anne 2009 het er unter em Titel „So isches halt – s’ Läwe“ e Biechli mit Gedicht un Gschichte uf Alemannisch un Hochdytsch uusegee.
Syt Ändi 1960er Johr isch dr Martin Winterhalter Mitglid im Schwarzwaldverain.
- So isches halt – s’Läwe, Gedichte, Geschichten, Erinnerungen in Wiilemer Mundart und in hochdeutsch. Druck und Verlag Stückle, Ettenheim 2009. 112 S.
- Websyte vum Martin Winterhalter
- dr Martin Winterhalter uf dr Websyte vu dr Muettersproch-Gsellschaft
- Ein Buch zum Schmökern (Site cha nüme abgrüeft wärde; Suche im Webarchiv) , Badische Zeitung, 4. Dezämber 2009
- Kein Anlass, um kürzer zu treten (Site cha nüme abgrüeft wärde; Suche im Webarchiv) , Badische Zeitung, 13. Novämber 2010
- Die Weihnachtsgeschichte auf Alemannisch: „Naij, ihr kumme nit in mi Hüs!“, Badische Zeitung, 24. Dezämber 2015
- Des Kind het alli Litt gárn (Site cha nüme abgrüeft wärde; Suche im Webarchiv) , Badische Zeitung, 24. Dezämber 2016
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
