Mähringen
From Wikipedia, the free encyclopedia
Mähringen Gmeind Ulm | |
|---|---|
 | |
| Dialekt: | Alemannisch |
| Hauptvariante: | Schwäbisch |
| Regionalvariante: | Albschwäbisch |
| Lokalvariante: | Mairingisch |
| Verbreitig: | nu im Ort |
| Höchi: | 520 m |
| Flechi: | 7,95 km² |
| Iiwohner: | 1149 |
| Bevölkerigsdichti: | 145 Iiwohner/km² |
| Iigmeindig: | 1. Februar 1972 |
| Regierigsbezirk: | Regierigsbezirk Diibenga |
| Poschtleitzahl: | 89081 |
| Vorwahl: | 0731 |
| Nummereschild: | UL |
| Dialäkt: Schwäbisch |
Mairinga (amtlich Mähringen) isch heid a Schdaddoil fo Ulm, laid âbr schao auf dr Alb.
Gschichd
Mairinga isch s'erschd môl 1272 ena ra Ûrkond erwähnd worra. D'Kirch fo Mairinga isch z'erschd 1356 gnannd worra. Em 18. Jaorhondrt isch s'Raodhaos baod worra, wô schbädr s'Schualhaos worra isch. S'Schualhaos schdaod beim Zêndschdâdl ond em Hoimetmuseum ond isch haid a brifâds Haos. 1972 isch Mairinga fo dr Schdad Ulm oigmaind worra.
Oiwôhnr
For dr Oigmoindong sen d'Oiwôhnr fo Mairinga faschd ällä Baora gwai. Heid leäbad en Mairinga mai Roigschmeggde wia Mairingr, weil d'Uni Ulm isch glai oms Egg nom.
Oiwôhnrendwigglong
| Jaor | Oiwôhnr |
|---|---|
| 1632 | 100 |
| 1796 | 175 |
| 1821 | 212 |
| 1846 | 264 |
| 1875 | 299 |
| 1933 | 332 |
Schbraoch
S'Mairingisch schwätzad nämme fial Leid, weil s'hod heid mai Roigschmeggde wia Mairingr. Wenn d'Äldre Genraziô wegschdirb kao faschd niema mai Mairingisch schwätza.
S'Mairingisch isch schao Albschwäbisch. Des siggd mr â de Difdongîrong fo schwäbische Langfokâl wia:
Schwäbisch - Mairingisch - Daidsch
- mê - mai - mehr
- Maa - Mao - Mann
- scho - schao - schon
- Mônad - Maonad - Monat
bsondre Wärdr aus Mairinga
- breägla: schwätza
- âreädla: delefonîra
Schbrichwerdr aus Mairinga
- Mairinga dû buggligs Gai, wenn î dî sê wrd mr ganz wai
- Êama em Fiadla hao (Daidsch: Hummeln in Hintern haben)
- En Mairinga schdaod koi Dîsch grâd
- der hod d'Henna denna on s'Râd râ drâ (Daidsch: der hat die Hennen drinnen und das Rad heruntergetragen)
Lidradûr
- Wolfgang Hinz: Die Ulmer Alb - Entstehung und Entwicklung mit Ortsgeschichten von Lehr und Mähringen
- Alfred Knödler: Mähringen - Ein Dorf auf der Ulmer Alb
Weblinks
Wikiwand - on
Seamless Wikipedia browsing. On steroids.