| Dialäkt: Baseldütsch |
D Komödie isch vo 1950 bis 1968 en äigeständigs Kammerspiiltheater in dr Stadt Baasel gsi mit eme feste Ansambel und Äigebrodukzioone.
D Komödie isch 1950 vom Egon Karter as Akziegsellschaft gründet worde. Dr Archidekt H. Meyer het d Liigeschaft an dr Steinevorstadt 63 zum ene Theater mit ere Guckchastebüüni und eme Orchestergraabe umbaut. S Huus het öbbe 270 Blätz gha. Vier Joor spööter isch e Balkon iibaut worde und es het 380 Blätz gee. Mä het allgemäin d Infrastruktur verbesseret und e Schnüerboode und e Dräibüüni iibaut. 1961 isch e Nöibau iigweit worde mit 600 Blätz und ere fümf Mol gröössere Büüni. Im Joor druf isch im Moolersaal d Komödie-Wärkstatt mit fufzig Blätz iigrichdet worde.
In dr 1968/69 Säsong häi d Komödie und s Stadttheater fusioniert. D Baasler Theater, wie si denn ghäisse häi, si vom Werner Düggelin gläitet worde. Spööter isch dr Naame Theater Basel iigfüert worde. 2001 isch s alte Huus vo dr ehemolige Komödie, wo technologisch seer veraltet gsi isch, zuedoo worde. Im Joor druf isch s nöije Schauspiilhuus an dr Steinedoorstrooss ufdoo worde.
- Komödie, Basel BS uf tls.theaterwissenschaft.ch, abgrüeft am 13- April 2014
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
