From Wikipedia, the free encyclopedia
S Köönigriich Groossbritannie isch am 1. Mai 1707 entstande, wo d Köönigriich Ängland und Schottland im Act of Union 1707 veräinigt worde si. E gmäinsams Parlamänt und e gmäinsami Regierig in dr City of Westminster häi s Land verwaltet. Schottland und Ängland si scho sit 1603 in Personalunion verbunde gsi. Wales isch mit de Gsetz zur Iigliiderig vo Wales 1535–1542 e Bestanddäil vo Ängland worde.
Kingdom of Great Britain Köönigriich Groossbritannie 1707–1801 | |||||
---|---|---|---|---|---|
| |||||
| |||||
Amtssprooch | Änglisch | ||||
Hauptstadt | London | ||||
Staatsform | Föderals Köönigriich | ||||
Regierigsform | Parlamentarischi Monarchii | ||||
Staatsoberhaupt | Köönig | ||||
Regierigsschef | Brömieeminister (1721–1801) | ||||
Flechi | 230.977 km² (1801) | ||||
Iiwooner | 16.345.646 (1801) | ||||
Wäärig | Pfund Sterling | ||||
Existänzzitruum | 1707–1801 | ||||
Nazionalhümne | God Save the King (inoffiziell) | ||||
Köönigriich Groossbritannie um 1750 | |||||
![]() |
1707 het e „britischi Monarchii“ die änglische und schottische Monarchie ersetzt. S Parlamänt vo Ängland isch zum Parlamänt vo ganz Groossbritannie erwiteret und s schottische Parlamänt isch ufglööst worde. Bäidi Länder häi Sitz im House of Commons (Underhuus) und im House of Lords (Oberhuus) überchoo. Schottland het aber nume 45 Parlamäntsabgeordneti und 16 Peers ghaa, weniger as sim Däil vo dr Bevölkerig entsproche het.[1]
Vo 1714 het s e Personalunion mit em Kurfürstedum Braunschweig-Lüneburg („Kurhannover“) gee.
S Köönigriich Groossbritannie isch am 1. Januar 1801 vom Veräinigte Köönigriich vo Groossbritannie und Irland abglööst worde.