e Schwizer Kunsthischtorikeri und Autori From Wikipedia, the free encyclopedia
D Helmi Gasser isch am 8. Juni 1928 z Luzärn uf d Wält cho und am 13. Dezämber 2015 z Basel gstorbe. Iire Name isch Wilhelmine Gasser, aber me het ere zum Vorname nume «Helmi» gseit. D Gasser isch e Schwiizer Kunsthischtorikerin und Autorin gsi.
Iire Vatter isch dr Emil Gasser gsi, d Muetter d Wilhelmine geb. Eggstein. Si het z Basel d Schuel bsuecht und studiert. Und si isch au no a d Sorbonne uf Paris. Ane 1955 het si mit der Arbet Das Gewand in der Formensprache Grünewalds s Dokterexame gmacht.
D Helmi Gasser het dr Nochlass vom Schwiizer Kunschthischtoriker Heinrich Wölfflin (1864–1945) bearbeitet. Si het es paar Joor uf dr Basler Tänkmolpflääg gschaffet. Iiri Hauptarbet isch es drno gsi, die eltere Hüüser un d Kunschttänkmööler vom Kanton Uri go azluege und z beschrybe. Do drüber het si bi dr GSK es paar Büecher chönne usegää.
Ane 1998 het se dr Kanton Uri zu sinere Eerebürgerin gmacht.