From Wikipedia, the free encyclopedia
Dr Heinz Reiff (* 16. Dezämber 1921 z Löörech; † 26. Juli 1997 au dert) isch e dytsche Dichter gsii.
Dr Reiff isch mit 18 Johr Soldat im Zweete Wältchrieg wore un isch speter in Chriegsgfangeschaft chuu un erscht mit 27 Johr wider haimchuu. Är het noch em Chrieg as Chaufmann gschafft, 1987 isch er in Ruestand gange.
Dernääbe het er aafange chinschtlerisch mit Laim un Polyester z schaffe un het au Bilder gmolt. Scho frie het er au Gedicht un Gschichte gschribe, uf Hochdytsch un uf Alemannisch. As chlaini sälber druckti Broschüre het er Gedicht uf Dytsch, uf Alemannisch („E weng vergäutscht. Alemannische Gedichte“) un Churzgschichte („Briefe an Mme. X. Kurzgeschichten“) uusegee. Anne 1987 het er en Uuswahl vu Gedicht un Gschichte unter em Titel „Zwischen Kernholz und Rinde“ publiziert. Gedicht vun em sin au in dr Anthology „weleweg selleweg“ uusechuu. Gwohnt het dr Reiff z Rümmige. Im Juli 1997 isch er im Alter vu 75 Johr gstorbe. Är isch e Kusäng gsii zue dr Ingeborg Schütze.