D Eleonore Josefine Mathilde Kostolich geb. Brändlin, zmeischt Ella Kostolich, au bekannt as Ella oder Annebäbi (* 12. Dezämber 1922 z Hauge, † 16. Septämber 2010 z Eimeldinge) isch e dytschi Dialäktdichteri gsi. Si isch as Mitgrinderi un Darstelleri vum Lörracher Bühneli regional bekannt gsi.
D Ella Brändlin isch z Hauge uf d Wält chuu un het in ihre Juged e Zytlang bi ihre Großmueter z Istei gläbt.
Ihre Mann, Hans Kostolich, isch vu Eschtryych gsi. Si hän zämme zwee Sihn gha. IhreMann isch aber scho frie gstorbe. E baar Johr het si mit ihrem Mann e Tankstell z Fridlige bedribe. In däre Zyt hän si au ihre Huus z Eimeldige gchauft, wu si d Kostolich bis zue ihrem Dod gwohnt isch.
D Ella Kostolich het anne 1953 d Laiespiilgruppe Hauge mitgrindet. 1975 het si zämme mit em Günter Geiser us däre Laiespiilgruppe Hauige s Lörracher Bühneli grindet, wu im Lauf vu dr Zyt in dr Region bekannt woren isch. Fir des Amateurtheater het si sich iber 50 Johr engaschiert as, nit nume as Darstelleri.
Au in dr Burefasnachtsg’sellschaft Hauge het si as "Ehrezeremoniemeischdere" iber vil Johr ihri Gedicht an dr Fasnet vordrait, au Schnitzelbänk het si verfasst fir d Fasnet.
D Ella Kostolich het iber d Johr au vil Dialäktgedicht gschribe, wu si bis zue ihrem Dod im Septämber 2010 immer wider bi verschidene Aaläss vordrait het.
D Kostolich het drej Gedichtbänd uusbrocht, rusgee vu dr Gmei Istei:
- Baderli un Dischdle. Mundartgedichte. Selbstverlag 2005
- Maierisli un Hagebutte
- d'Elfiglocke ryeft
- Was isch Zit?, Gedicht vu dr Ella Kostolich uf dr Websyte vu dr Muettersproch-Gsellschaft
- In ihren Versen bleibt Ella Kostolich in Erinnerung (Badische Zeitung, 21.10.2010)
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
