Eduard Baader
From Wikipedia, the free encyclopedia
Remove ads
Dr Eduard Baader isch e Gärbereibsitzer gsi, wo am 26. Dezämbr 1883 z Gälterchinde uf d Wält cho und am 22. Oktobr 1973 z Gälterchinde gschtorbe. Är isch reformiert und Bürger vo Gälterchinde gsi.
Dr Eduard Baader isch dr Soon vom Eduard Baader, Gärbermeischter und dr Emma Freivogel gsi. In erschter E`e het är 1912 d Louisa Frieda Gerster vo Gälterchinde ghürotet, in zwöiter E`e 1920 d Jeanne Küderli vo Dübedorf und Couvet NE. Är isch dr Grossvater vom Caspar Baader.
Dr Eduard Baader het bim Ätti Gärber gleert. Denn isch är zwöi Joor uf d Walz zur Wyterbildig nach Frankrych, Italie, Öschtrych und Dütschland gange.
Dr Eduard Baader het churz vor em erschte Wältchrieg vom Vater dr Familiebetrib übernoo und het s induschtryelle Gärbverfaare, won är im Ussland kenne gleert het, in syner Firma ygfüert. Är het Läderartikel uf en Art härgschtellt, wie si in dr Schwyz bis jetz no nie gmacht worde si.
Dr Eduard Baader isch Verwaltigsrotspresidänt vo dr Eduard Baader AG gsi, färner Presidänt vo dr kantonale Leerlingskommission und im Bankrot vo dr Basellandschaftlige Kantonalbank, Mitglyd vo dr Basler Handels`chammer und Mitglyd im Vorschtand vom Verband vo de Schwyzerische Gärbereie. Zuedem het är no verschydeni Ämter in dr Gmein Gälterchinde gha.
- Basellandschaftlichi Zytig vom 24.12.1963 und 26.11.1973
- Dr Eduard Baader im Personelexikon vom Kanton Basel Landschaft (Site cha nüme abgrüeft wärde; Suche im Webarchiv)
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
Remove ads