Bundesratswahlen 2010

D Bundesrotswahle 2010 isch d Ersatzwahl vo zwei Bundesröt gsi, wo am 22. September 2010 vo de Bundesversammlig im Bundeshuus z Bärn stattgfunde het. Mit em Rücktritt vo de Bundesröt Moritz Leuenberger (SP) und Hans-Rudolf Merz (FDP) isch d Wahl vo de Nochfolger nötig worde. Gwählt worde isch als Ersatz für de Moritz Leuberger sini Parteikollegin Simonetta Sommaruga und für de Hans-Rudolf Merz sin Parteikolleg, de Johann Schneider-Ammann. Es Novum für d Schwiiz isch, dass mit de Wahl vo de Simonetta Sommaruga d Fraue zum erschte Mohl e Mehrheit im Bundesrot hei.

• 
  Di noie Bundesröt
  Simonetta Sommaruga
• 
  und Johann Schneider-Ammann.
• 
  Di zruckträtendi Bundesröt
  Moritz Leuenberger
• 
  und Hans-Rudolf Merz.

Kandidate

Vo de verschidnige Fraktione im Bundeshuus sind folgendi Kandidatinne und Kandidate "ins Renne gschickt" worde.

• Vo de SP:
  • Simonetta Sommaruga
  • Jacqueline Fehr
• Vo de FDP:
  • Karin Keller-Sutter
  • Johann Schneider-Ammann
• Vo de SVP:
  • Jean-François Rime
• Vo de Grüene:
  • Brigit Wyss
• D CVP-Fraktion het uf d Nomination vo eme Kandidat verzichtet.

D Grüene hei mit ihrere Kandidatur de FDP-Sitz welle aagrife, d SVP het ihre Kandidat zweimol la aaträte.

D Wahl

D Nochfolg vom Moritz Leuenberger

Kandidate		1. Wahlgang	2. Wahlgang	3. Wahlgang	4. Wahlgang
	Simonetta Sommaruga	86	96	98	159
	Jean-François Rime	80	78	77	81
	Jacqueline Fehr	61	64	70	-
	Hildegard Fässler	10	-	-	-
Anderi		7	7	-	-
Igangeni Wahlzettel		245	245	245	245
Ungültigi Wahlzettel		1	0	0	2
Leeri Wahlzettel		0	0	0	3
Gültigi Wahlzettel		244	245	245	240
Absoluts Mehr		123	123	123	121

Nachfolg vom Hans-Rudolf Merz

Kandidate		1. Wahlgang	2. Wahlgang	3. Wahlgang	4. Wahlgang	5. Wahlgang
	Johann Schneider-Ammann	52	75	78	84	144
	Jean-François Rime	72	72	72	76	93
	Karin Keller-Sutter	44	55	66	74	-
	Brigit Wyss	57	40	28	-	-
	Ignazio Cassis	12	-	-	-	-
Anderi		7	3	-	-	-
Igangeni Wahlzettel		245	245	245	243	245
Ungültigi Wahlzettel		0	0	1	5	2
Leeri Wahlzettel		1	0	0	4	6
Gültigi Wahlzettel		244	245	244	234	237
Absoluts Mehr		123	123	123	118	119

Weblink

• Dossier uf parlament.ch

Einzelnochwis