Remove ads
Besançon [bəzɑ̃ˈsõ] (dütsch früener emol Bisanz, lat. Vesontio) isch e Stadt mit 118.258 Iiwooner (Stand 1. Januar 2020) im Oste vo Frankriich. Si isch dr Sitz vo dr Verwaltig vom Département Doubs, dr Hauptort vo dr Region Franche-Comté und dr Sitz vom Erzbistum Besançon.
| Besançon | |
 | |
| Verwàltung | |
|---|---|
| Land |  Frànkrich |
| Region |  Bourgogne-Franche-Comté |
| Département | Doubs (25) - (Präfektur) |
| Arrondissement | Besançon (Unterpräfektur) |
| Kommünàlverbànd | Grand Besançon |
| Àmtliga Nàma | Besançon |
| Maire | Jean-Louis Fousseret (2014-2020)[1] |
| Code Insee | 25056 |
| Poschtlaitzàhl | 25000 |
| Iiwohner | |
| Iiwohner | 119.198 |
| Flech | 65,05 km2 |
| Bevelkerungsdicht | 1.811,47 Iiw./km2 |
| Làg | |
| Koordinate | 47° 14′ 32″ N, 6° 01′ 17″ E |
| Heche | 248 m |
  Besançon Besançon (Frànkrich) | |
| Website | |
| https://www.besancon.fr/ | |
Dä Iiwooner vo dr Stadt säit mä Bisontinerinne/Bisontiner (frz. Bisontines/Bisontins). D Bevölkerig vom Balligsruum Besançon zelt 244'448 Iiwooner.
Dr Ort isch in ere Schläife vom Fluss Doubs gründet worde und het wääred dr Zit vom Römische Riich under em Naame Vesontio e wichdigi Rolle gspiilt. Im Middelalter het Besançon dr Status von ere freie Stadt im Häilige Römische Riich ghaa. Wääred em 17. Joorhundert isch d Region vo dr hütige Franche-Comté hert umkämpft worde, erst 1678 isch Besançon Däil vo Frankriich worde. D Franzoose häi d Stadt denn stark befestigt. Wääred dr Industrialisierig isch Besançon e Zentrum vo dr französische Uure- und Textilindustrii worde. Bis hüte isch d Stadt in de Beriich vo dr Mikro- und Nanotechnologii wichdig.
Remove ads
A dr schmelschte Stell vo dr Doubs-Schlauf isch ufem Felsebärg d Zitedälle vo Besançon. Underem Bärg dure füert e Stroossedunnel und au e Dunnel vom Rhin-Rhone-Kanaal.
D Stadt wird as die grüenschti Stadt vo Frankriich bezäichnet und het en usserordentlig hoochi Lääbeskwalidäät. Dank iirem riiche historische und kulturelle Erb und iirer äinzigartige Architektur isch si sit 1986 e Stadt vo dr Kunst und Gschicht. Iiri milidäärische Befestigungsaalaage, wo uf e Vauban zrugggöön, zele sit 2008 zum UNESCO-Wältkulturerb.
Besançon hät 14 Stadttail, wo zwüsched öpe 2'200 und knap 20'000 Iiwohner händ. De iiwohnerstärchscht isch Planoise im Süde vo dr Stadt.
Beschrybig: I Gold en schwarze Adler, wo i sine beede Chlaue e roti Süüle hebed.
Städtepartner vo Besançon sind
- Huddersfield, Kirklees, England (
Vereinigts Königriich), sit 1955/1995 - Friburg im Brisgau, Bade-Würtebärg, (
Dytschland), sit 1959 - Chadera (
Israel), sit 1964 - Pavia (
Italie), sit 1964 - Neuchâtel (
Schwiz), sit 1975 - Douroula (
Burkina Faso), sit 1985 - Kuopio (
Finnland), sit 1986 - Bistrița (
Rumänie), sit 1990 - Man (
Elfebeiküschte), sit 1991
- Bielsko-Biała (
Pole), sit 1993 - Twer (
Russland), sit 1996 - Aqabat Jabr, bi Jericho (
Palästinensischi Autonomiegebiet), sit 2004 - Charlottesville, Virginia (
Vereinigti Staate), sit 2006
Remove ads
- D Website vo de Stadt Besançon
- Jean Courtieu: Besançon. In: Historisches Lexikon vo dr Schwiiz.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
Remove ads