Au isch en Ortschaft im Aaargau.
S Dorf lyt uf dr lingge Syte vo dr Aare; es isch halb im Gmeindbann vo Gaueschtäi und halb im Bann vo Fälte.
Dä Platz isch bim Ändi vo der lange Bärgchetti vom Jura, vier Kilometer öschtlich vo dr Gisliflue, em letschte Gipfel vo däm Bäärg. I däm synen Uuslöiffer hän d Zimäntfabrigg Holderbank so wie au d Zimäntfabrigg Wildegg groossi Schteibrüüch chönne grabe, zum dr Chalchschtei usenää.
Die hütigi Sidlig git’s nonig ganz lang, erscht sid em Ändi vom 19. Joorhundert; früener isch döört i dr flache Auelandschaft näbem Fluss Puureland gsi, und das het zum Auhof ghöört; dä isch e Teil gsi vo dr Guetsherrschaft vo Wildeschtei. Der Name vom Puur «Meier in der Ouw» isch anne 1472 s erschte Mol im ene Dokumänt z lääse.
Am Fluss isch e Fääri gsi bis anne 1870, wo men uf Wildegg überen e Brugg bout het. Das isch zäme mit dr Korrekzioon vo dr Aare bassiert, wo bis 1872 gangen isch.
- Thomas Schärli: Veltheim. Ein Dorf am Rande des Aargauer Juras von den Anfängen bis zur Gegenwart. Veltheim. 1992.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
