Aimé de Palézieux

Dr Pierre Aimé Dolben de Palézieux (gnännt Emme, * 1946 z Basel; † 2014 z Waldshuet) isch e bekannt Fryburger un Waldshueter Orginaal gsii.

Dr Aimé de Palézieux isch us ere adlige Familie gstammt, wu urspringli us dr Nechi vu Gämf chuu isch. Syni Eltere Vido de Palézieux (1900–1992) un Gerda geb. Sturm (1916–1976) hän z Waldshuet in dr Löiegass e chemischi Rainigung bedriibe. Si hän drei Sihn un ai Dochter ghaa. Em Aimé sy Schweschter Gabrielle het dr Elmar Elsner von der Malsburg ghyrote un läbt mit sällem uf em Wasserschloss Elmarshausen. Sy Brueder Christoph schafft as Psychotherapeut z Züri, dr jinger Brueder Nikolaus (* 1950 z Züri) isch Musikwisseschaftler un läbt as Freie Autor un Ibersetzer z Hamburg.

In dr Schuel isch dr Aimé sibe Mol hocke blibe, derno het er z Basel e Mechanikerlehr gmacht. In dr 1970er Johr isch er dur Indie un derno dur Dytschland graist. Lyt, wu ne gchännt hän, maine, er sei doderdur us dr Bahn gworfe wore. Vu 1978 bis Ändi 1990er Johr het er z Fryburg gläbt un isch dert bekannt woren as Obdachlose mit eme lange Bart un eme griene Lodemantel, wu am Brunnen am Martinsdor gstanden isch un d Lyt um Gäld aagschwätzt het («Könnt Ihr mir Geld geben? Bitteschön!»). Sy richtige Name het z Fryburg chuum eber gchännt, in dr Stadt isch er bekannt gsii unter dr Näme Nikolaus, Graf oder Catweazle. Vor allem wel er als lut philososchischi Lääbeswyshaite vu sich gee het («Ihr Studenten!! Studiert doch das richtige Leben!!»), het s z Fryburg ghaiße, är sei en ehmolige Philosophiprofässor oder au ne Millionenerb.

Um 1999 isch er wider retuur gange uf Waldshuet un het dert en aigene Kurierdienscht ufgmacht.

Anne 2014 isch dr de Palézieux im Alter vu 68 Johr gstorbe. Är het e Suhn ghaa.

Weblink

• Der Bettler im Lodenmantel ist wieder aufgetaucht. Badische Zeitung, 17. Juli 2009
• Der adlige Bettler mit dem Rauschebart ist tot. Badische Zeitung, 14. Oktober 2014
• Dodesaazaig (Südkurier)