D Ḫannaḫanna isch e hethitischi Muettergöttin und ghört zo de wichtigste Gotthaite. Ere Name isch e verdoppelig vo hethitisch ḫanna- „Groossmuetter“. Si isch waise und d Götter frööget si um Root. As Muettergöttin isch si för d Giburt zueständig und werd dromm hüüffig i hethitische Giburtsritual aagrueefe. Si luegt aber nöd nume för de menschlichi Noowuchs. Öberhopt isch si eng mit Fruchtbarkait verbunde und för si isch e Sichelfest gfiiret woore und e Fest vo e erste Feldfrücht. Ere Bott isch d Biine.
Imene Mythos werd brichtet, wie verschidnigi Gotthaite inere Stadt ere Sitz nemed, d Ḫannaḫanna aber heb ere Sitz i de Mentschhait gnoo:
- „A de Götter sind Landloos ggee wore. D Sunegöttin het sich z Arinna hiigsetzt, d Ḫalmasuit z Ḫarpisa und d Ḫatepinu z Maliluḫa, d Schutzgotthait aber z Karaḫna und de schrecklich Telipinu z Tawiniya und de Ḫuzziya z Ḫakmis. För d Ḫannaḫanna isch aber kann Platz öbrigblebe, dromm isch för si d Mentschhait ere sin Sitz.«
Literatur
- Gary M. Beckmann: Hittite Birth Rituals; StBoT 29; Harrassowitz 1983. ISBN 3-447-02310-4.
- Volkert Haas: Die hethitische Literatur., Walter de Gruyter GmbH & Co. KG, Berlin 2006, ISBN 978-3-11-018877-6.
- Galina Kellermann: La deesse Ḫannaḫanna; in Hethitica VII, 93-107. ISBN 90-6831-081-X
- Einar Schuler: Kleinasien. Die Mythologie der Hethiter und Hurriter, i: Hans Wilhelm Haussig: Götter und Mythen im Vorderen Orient. Ernst Klett Verlag, Stueggert 1965.
- Piotr Taracha: Religions of Second Millennium Anatolia. Harrassowitz Verlag, Göttingen, Wiesbaden 2009, ISBN 978-3-447-05885-8.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
