Zum roote Bääre
From Wikipedia, the free encyclopedia
Zum roote Bääre z Fryburg isch no dr Foorschige vum Fryburger Stadtchronischt Wilhelm Fladt ais vu dr eltschte Gaschthyyser vu Dytschland, hit isch er näbeme Gaschthuus au ne Hotel. S Gebei sälber isch ais vu dr eltscht in dr Stadt un stammt no us dr Grindigszyt. S stoot am Blatz Oberlinde in dr Neechi vum Schwoobedoor. D Lischt vu dr Näme vu dr iber 50 Bärewiirt losst si zrugverfolge bis anne 1311 un fangt mit em Wiirt Hanmann Bienger aa. Sälber nännt si dr Bääre „s eltscht Gaschthuus vu Dytschland“, des saage aber au no d Härbärg zum Leewe z Seelbach un Zum Riesen im unterfränkische Miltenberg vu si.
Dr Blatz Oberlinde mit em Brunne, em Lindebaum (vu 1729) un em Gaschthuus zum roote Bääre stoot mit dr andere histoorische Gebei vu dr Altstadt unter Dänkmoolschutz. S Gaschthuusschild zaigt e guldige Bäär.