Dr Wulfila, griechisch und latinisch Ulfilas, (* ungfähr 311; † 383) isch dr Missionäär und Bischof vo de Weschtgote gsi, und het s arianisch-germanische Chrischtedum gründet.
Dr Wulfila (Bedütig vom Name: ä chliis Wölfli) isch um 311 n. Chr. uf d Welt cho. Si Muetter schtammt vo kapadokische Chriegsgfangene ab, är isch entwäder Goot oder Halbgoot gsi. Im Alter vo drissgi isch er 'Bischof vo de Chrischte im gotische Land' worde. Er het im Biet vo de Weschtgote an dr untere Donau bis 348 missioniert, zun erä Zit, wo s mänggisch no Chrischteverfolgige geh het. Er isch in Balkan cho und isch bi de Goteschtämm dört z Niš während 33 Johr Richter und Bischof gsi. Dört het er au um 369 d Bible übersetzt. Zum s Gotische gnauer widergee, het er us Ruune, latinische und griechische Buechstabe s gotische Alphebet gschaffe.
Dr Wulfila isch nit a hundertprozäntige Arianer gsi—für ihn isch dr Jesus au Gott gsi—aber er wird zur arianische Chille zelt. Dass die germanischi Oberschicht zum Arianismus ghört het, het zu vile Konflikt zwüsche ihre und dr katholische Bevölkerig gfüehrt.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.