Wilhelm Röntgen
From Wikipedia, the free encyclopedia
Dr Wilhelm Conrad Röntgen (* 27. März 1845 z Lennep (Rhyland); † 10. Februar 1923 z München) isch an tytsche Physiker gsy, wa im späätru 19. un friejeru 20. Jahrhunnärt gforschut het.
Dr Röntgen het am 23. November 1865 a dr Eidgenössische Technische Hochschüel Zürich (ETH Zürich) als reguläre Student aagfange.[1] Am 6. Öügschte 1868 het är schys Diplom als Maschinenbauingenieur berchoo. In dr nachfolgondu Zyt het är äs Üfbuustudium i Physik absolviert. Im Juni 1869 isch är an dr Universität Zürich i Physik zum Dr. phil. promoviert wordu.
Är het am 8. Novämber 1895 im Physikalischen Institut van dr Universität Würzburg die nach imu gnenntu Röntgestrahle entdeckt und isch daderfyr dr erschto Nobälprys-Träger fär Physik (1901) wordu. Schyni Entdeckig het unnär andrum di medizinischa Diagnostik revolutioniert und z wytru wichtigu Erkänntnis vam 20. Jahrhunnärt, z. B. dr Entdeckig und Erforschig van dr Radioaktivität gfiehrt.