From Wikipedia, the free encyclopedia
Dr Victor Brauner (* 15. Juni 1903 z Piatra Neamț, Rumäänie; † 12. Merz 1966 z Bariis) isch e franzöösische Mooler vo jüüdisch-rumänischer Abstammig gsi und e bedütende Verdräter vom Surrealismus.
Suprarealistul |
---|
Victor Brauner, 1947 |
Surrealismus |
Fondation Peggy Guggenheim, Venedig |
Dr Brauner het 1921 si Studium an dr Akademie vo de Schööne Künst Bukarest (hüte: Nazionaali Universidät vo de Künst Bukarest) absolviert und het 1924 s dadaistische Schurnaal 75 HP gründet. Er isch mit de Eltere vo dr Hedda Sterne befründet gsi und het ere dr Surrealismus nooch brocht. 1930 isch er uf Bariis gange, won er sich dr surrealistische Beweegig aagschlosse het. 1933 het em dr André Breton, won er 1934 bortretiert het, dört zu siner erste Äinzelusstellig verhulfe. 1938 het dr Brauner bin ere Schleegerei s lingge Aug verloore, s Bildmotiiv vom überdimensionaale, staarre äinzelne Aug chunnt vo denn aa hüfig in sine Wärk vor.
1940 isch dr Mooler vor de Nazionalsozialiste in d Püreneä gflüchdet, spööter in d Alpe. Noch em Chrieg isch er uf Bariis zrugg, won er 1966 an ere Flebitis gstorbe isch. Er isch uf em Friidhoof vo Montmartre begraabe.
Dr Brauner het, wie au dr Constantin Brâncuși, dr Eugène Ionesco, Mircea Eliade, Panait Istrati und dr Emil Cioran, zu dr bedütende Gmäind vo Bariiser Exil-Rumääne vo dr erste Helfti vom 20. Joorhundert ghöört.
Viața interioară |
---|
Victor Brauner, 1939 |
Surrealismus |
Museum of Modern Art, New York
[´ Link zum Bild] |
Im Brauner sini Wärk si z Bariis (im Musée National d’Art Moderne, im Musée d'art moderne de la Ville de Paris), und z Stroossburg (im Musée d’Art Moderne et Contemporain) brominänt verdräten. Er het an dr documenta II z Kassel 1959 mitgmacht und het für d Zitschrift Contimporanul gschriibe.
Dä Artikel basiert uff ere fräie Übersetzig vum Artikel „Victor_Brauner“ vu de dütsche Wikipedia. E Liste vu de Autore un Versione isch do z finde. |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.