Unterwangen (Stühlingen)
From Wikipedia, the free encyclopedia
From Wikipedia, the free encyclopedia
| Unterwangè Stadt Stüèlingè | |
|---|---|
 | |
| Höhe: | 670 m |
| Flechi: | 713,898 ha |
| Iiwooner: | 325 (2001) |
| Iigmäindig: | 1. Januar 1975 |
| Postleitzahl: | 79780 |
Unterwangè (amtlich Unterwangen) isch èn Stadtdeil vo dè Stadt Stüèlingè im Landchrais Waldshuèt z Badè-Württèbärg
Unterwangè lyt im Albgau obberhalb vo dè linkè Dalwangè vom Bachdobèl vom Müllibach, wellè vo dè Oberè Alb hèr chunnt. Dè Müllibach entwässerèt i dè Merrèbach nördlich vo Stüèlingè bzw. südöschtlich vo Bõõdorf. Uff èm Bärg obbè sin d Wyler Oberi Alb mit èm Golfblatz Oberi Alb un dè Wyler Mittleri Alb. I dè nõcherè Umgebig liget im Weschtè s Dorf Obberwangè sowiè dè Wyler Sparrèbärg (Stüèlingè). Witer wäg weschtlich hinter dè Oberè Alb lyt s Dorf Wittlekofè (Bõõdorf), absi am Mèrèbach im Südoschtè s Dorf Schwaningè (Stüèlingè). Nördweschtlich vom Höger, a wellen sich Unterwängè aaschmygt, lyt im obberè Merrèbachdal Wellèdingè. Durch diè exponyrti Laag obbè am Höger isch Unterwangè im Gegèsatz zu Obberwangè vo unnè am Merrèbachdal withy sichtbar. È geographyschi Bsunderheit im Wangemer Dobèl isch diè Tatsach, dass Unterwangè höcher lyt wiè Obberwangè, wa dò draa lyt, dass Unterwangè bachabsi vo Obberwangè lyt, im Gegèsatz zum Nõchbõrdorf abber obberhalb vom Dobèl, un nit mittèdrin lyt wiè Obberwangè.
Unterwangè isch 1065 èrschtmolls urkundlich erwäänt worrè un hèt zum Bsitz vom Kloschtèr St. Bläsy ghört, allerdings isch Unterwangè dört no zämmè mit Obberwangè als Wangè bezeichnèt worrè. Im 13. Johrhundert isch denn èrschtmolls s Dorf als Unterwangè asè erwäänt worrè. Als Deil vom Albgau isch Unterwangè 1806 a s Großherzogdum Badè übbergangè. Durch è Füersbrunscht isch 1897 fascht s ganze Dorf Unterwangè vonichtet worrè.
Im Johr 1973 hèn d Obber- un Unterwangemer è Bürgerabschtimmig durrègfüürt un entschidde, beidi Gmaindè i d Stadt Bõõdorf ygmaindè z lõ. Hintergrund defür, d Eigèständigkeit uffzgää, isch d Gmaindsreform z Baddè-Württebärg gsi, wo am Aafang vo dè 1970er Johr schu aakündigt worrè un am 1. Januar 1975 definityv vollzogè worrè isch. D Obrigkeit z Stuègètt hèt d Ygmaindig vu Obber- un Unterwangè uff Stüèlingè vorgschlagè. Trotz èm Votum vo 1973 un dè Vohandligè mit dè Stadt Bõõdorf hèt dè Widderschtand vo dè Wangemer hèt abber nüt brocht, well sich d Landesregyrig vo Baddè-Württèbärg in undemokatischer Wyys übber s Votum vo dè Obber- un Unterwangemer drübber wèg gsetzt hèt. Dõdemit sin Obber- un Unterwangè gnauso wiè Bettmèdingè am 1. Januar 1975 nõch Stüèlingè zwangsygmaindet worrè. Nõch dè Ygmaindig sin Obber- un Unterwangè in eim Ortsdail mit èm Nammè Wangè uffgangè. Adminischtryrt sit èm Januar 1975 vum Stüèlinger Stadtrõt, wo Wangè wèg sinèrè Ywoonerzaal nu ein Sitz zuèschtòt, ußerdemm cha dè Wangemer Ortschaftsrõt resp. dè Wangemer Ortsvorschteher im Stadtrõt Vorschläg unterbreitè.
D Kapellè vu Unterwangè isch im Hl. Wendelin gweiht.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
