![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/55/Im_Gebet_beim_Laubh%25C3%25BCttenfest%252C_Paula_Gans_IMG_4724_4725_4726_edit.jpg/640px-Im_Gebet_beim_Laubh%25C3%25BCttenfest%252C_Paula_Gans_IMG_4724_4725_4726_edit.jpg&w=640&q=50)
Sukkot
From Wikipedia, the free encyclopedia
Sukkot (hebr. סֻכּוֹת oder סוּכוֹת, Plural vo Sukka, סֻכָּה, dütsch «Laubhütte», jiddisch Sukkes oder Sikkes, im Surbdaalerjiddisch Sig[g]es) oder Laubhüttefest isch äins vo de drei jüüdische Pilgerfest. S Fest wird im Herbst gfiirt, fümf Dääg nch em Versöönigsdaag, im Septämber oder Oktober. Es isch siiben Dääg lang, vom 15. bis 21. Tischri, em sibte Monet im jüüdische Kaländer. Z Israel und in gwüsse Reformgmäinde isch nume dr ersti Daag e volle Fiirdig, in orthodoxe und konservative Gmäinde in dr Diaspora si s drgeege die erste zwäi Dääg, und d Dääg druf si Halbfiirdig (hebräisch Chol ha-Moed). Em letschte Daag vo Sukkot säit mä Hoschana Rabba und er gältet as dr letscht Daag, wo die göttlige Urdäilssprüch für s Joor no chönne gänderet wärde. Grad noch em Laubhüttefest chömme Schemini Azeret, dr «Achti Daag vo dr Versammlig», und Simchat Tora, s «Torafröidefest».
![Thumb image](http://upload.wikimedia.org/wikipedia/commons/thumb/5/55/Im_Gebet_beim_Laubh%C3%BCttenfest%2C_Paula_Gans_IMG_4724_4725_4726_edit.jpg/640px-Im_Gebet_beim_Laubh%C3%BCttenfest%2C_Paula_Gans_IMG_4724_4725_4726_edit.jpg)
Museum für Hamburgischi Gschicht