![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/9e/SevenYearsWar.png/640px-SevenYearsWar.png&w=640&q=50)
Dr Siibejöörig Chrieg
From Wikipedia, the free encyclopedia
Im Siibejöörige Chrieg (1756–1763) häi Pröisse und Groossbritannie/Kurhannover gege die kaiserligi ööstriichischi Habsburgermonarchii, Frankriich, Russland und s Häilige Röömische Riich kämpft. Alli öiropäische Groossmächt vo sällere Zit si in Chrieg verwigglet gsi und au middleri und chliini Staate.
Siibejöörige Chrieg | |||||||
---|---|---|---|---|---|---|---|
| |||||||
Konfliktparteie | |||||||
Preussen Konigreich![]() Kurfürstentum Braunschweig-Lüneburg ![]() Großbritannien Konigreich ![]() ![]() ![]() ![]() |
Romisches Reich Heiliges 1400![]() Frankreich Konigreich 1792 ![]() Kurfürstentum Sachsen ![]() ![]() Schweden ![]() Romisches Reich Heiliges 1400 ![]() |
![Thumb image](http://upload.wikimedia.org/wikipedia/commons/thumb/9/9e/SevenYearsWar.png/640px-SevenYearsWar.png)
Blau: Groossbritannie, Pröisse, Portugal und Verbündeti.
Grüen: Frankriich, Spanie, Ööstriich, Russland, Schwede und Verbündeti.
Dr Chrieg het in Middelöiropa, Portugal, Nordamerika, Indie, dr Karibik und uf de Wältmeer stattgfunde, Historiker luegen en dorum mänggisch as e Wältchrieg aa. Pröisse, Habsburg und Russland häi vor allem um d Vorherrschaft in Middelöiropa kämpft, Groossbritannie und Frankriich au um d Hegemonii in Nordamerika und Indie.
Us pröissischer Sicht[1] isch dr Siibejöörig Chrieg mit sine underschiidlige Schaublätz au as Dritte Schlesische Chrieg bezäichnet worde.
D Brite schwätze vom French and Indian War oder vom Great War for the Empire, d Franzoose vom La guerre de la Conquête. D Spanier häi dr britische Invasion vo de Philippine im Joor 1762 Ocupación británica de Manila gsäit.[2] Dr Chrieg uf em indische Subkontinänt häisst dr Dritti Karnatischi Chrieg.