From Wikipedia, the free encyclopedia
De Schlossplatz (poln. Plac Zamkowy) isch zwüsche em Warschauer Chönigsschloss und de Altstadt gläge. Vo de Südsite isch er dur d'Stadtmuur und em Krakauer Tor umschlosse gsi. D'Sigismundssüle isch syt 1644 d'sichtbari Mitti vom Platz. S'Krakauer Tor und en Teil vo de Stadtmuure sind 1818 abbroche worde, aber d Stross, wo am Krakauer Tor tuet afange – d'Krakauer Vorstadt (poln. Krakowskie Przedmieście) – hät ihre Name bhalte.
Vor de Zerstörig Warschau 1944 dur die dütsch Armee isch de Schlossplatz eine vo de verchehrsrichste Plätz vo Warschau gsi; vom Platz hät e gächi Stross abe dur de Felix-Pancer-Viadukt zue de Kierbedź-Brugg und wiiters zum Stadtteil Praga am rächte Weichselufer gfüert.
Im Joor 1944 sind de Viadukt und d'Brugg gsprängt worde. Nach em Chrieg händ d'Planer nöd de Vorchriegszuestand wider hergstellt, sie händ defür e grossi Vorstelligschraft gha und händ im ganz verwüestete, verbomte Teil e Strossetunnel entworfe, wo under em Schlossplatz dure gfüehrt het. De Tunnel hät de Verchehr vorbi a de Altstadt gfüehrt. De zerstörti Pancer-Viadukt isch abbroche worde, uf de restliche Pfiler vo de 1859 buute Brugg händ si e nüi, breiteri Brugg buue. Uf em Tunneldach händ sie die alte Hüser nach Plän wieder ufbuue. Am 22. Juli 1949 isch d'Ost-West Trasse eröffnet worde. Ab dem Tag hät me de Verchehr in Bode verbannt und de Schlossplatz isch zunere Fuessgängerzone worde. D'Tramhaltestelle une am Tunneliigang sind mit Rollträppe verbunde worde. Im Joor 1953 isch die wiederuufbuuti Warschauer Altstadt fertig worde, wo me nach alte Abbildige hät chöne rekonstruiere. Erst 1988 isch s'Warschauer Chönigsschloss fertig worde. Drufabe isch de Platz im hütige Zuestand erschine.
![]() |
Dä Artikel basiert uff ere fräie Übersetzig vu dere Version vum Artikel „Schlossplatz_Warschau“ vu de dütsche Wikipedia. E Liste vu de Autore un Versione isch do z finde. |