![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/6/65/Schloss_Wildegg_2014-11-01_03.jpg/640px-Schloss_Wildegg_2014-11-01_03.jpg&w=640&q=50)
Schloss Wildegg
From Wikipedia, the free encyclopedia
S Schloss Wildegg isch es Schloss uf em Gmeindsbann vo Mörike-Wildegg im Schwiizer Kanton Aargau. S Schloss ligt öppe 80 Meter oberhalb vom Dorf Wildegg uf em Chäschtebärg oberhalb vo de Aare.
![Thumb image](http://upload.wikimedia.org/wikipedia/commons/thumb/6/65/Schloss_Wildegg_2014-11-01_03.jpg/640px-Schloss_Wildegg_2014-11-01_03.jpg)
![Thumb image](http://upload.wikimedia.org/wikipedia/commons/thumb/3/37/Schloss_Wildegg_1789.jpg/640px-Schloss_Wildegg_1789.jpg)
Di ursprünglich Burg isch vo de Habsburger um s Johr 1200 umme bauet worde. S erschti Mol in ere Urkund taucht d Burg im Johr 1242 uf und isch vo Vasalle vo de Habsburger, de Wildegger bewohnt gsi. Wo di Familie im 1348 usgschtorbe isch, hei d Herre vo Hallwyl Wildegg übernoh. Ab em 1415 sind Bärner Landesherre gsi und d Wildegg het ab em 1437i e paar Mol de Bsitzer gwächslet. Nach de Hallwyler sind des d Herre von Greyffesee und dann d Ballmooser gsi, bevor d Schtadt Bärn Bsitzer worde-n-isch. D Bärner hei d Wildegg dann im 1483/84 an d Effinger, ere Patrizierfamilie vo Brugg, verchauft. Im 1522 isch d Burg wäge em Blitzschlag abbrönnt und dann wider ufbauet worde. Im 1684 isch si zu eme Schloss umbauet worde und im 1912 isch di letzscht Effinger ohne Nachkomme gschtorbe. S Schloss isch an d Eidgnosseschaft gfalle, wo s zum 1. Jänner 2011 an de Kanton Aargau verchauft het.