D Schlacht vo Adrianopel het am 9. August 378 stattgfunde. In dr Schlacht häi die terwingische Gote e römischi Armee under em Kaiser Valens vernichdend gschlaage. Öbbe 20'000 Römer si umcho, drunder au dr Kaiser Valens, wo d Liiche von em nie gfunde worde isch. Es isch die folgeriichsti Niiderlaag vo de Römer sit dr Schlacht vo Cannae (216 vor dr Zitwändi) und dr Varusschlacht (9 noch dr Zitwändi) gsi.
Schlacht vo Adrianopel | |||||||
---|---|---|---|---|---|---|---|
Deil vo: Gotechrieg (376-382) | |||||||
![]() Schlachtblaan: D Romer in blau, d Gote in root. | |||||||
| |||||||
Konfliktparteie | |||||||
Römischs Riich | Westgote | ||||||
Befählshaber | |||||||
Valens † | Fritigern | ||||||
Truppesterki | |||||||
öbbe 30'000 Maa | öbbe 25'000 Maa | ||||||
Verlust | |||||||
öbbe 20'000 (au dr Kaiser Valens isch umchoo) |
Vorgschicht
D Terwinge si uf dr Flucht vor de Hunne gsi und dr Kaiser het ene erlaubt, d Donau z überkweere und sich uf em Gebiet vom Römische Riich niiderzloo. Si häi drfür de Römer Soldate müesse stelle. Wo d Römer iiri Verspräche de Terwinge gegenüber nid erfüllt häi, häi d Gote schliesslig gege sä rebelliert.
Dr Blatz vo dr Schlacht in dr Milidäärgschicht
D Schlacht vo Adrianopel wird mänggisch as dr ersti groossi Siig in Öiropa vo dr panzerete Riterei über disziplinierti panzereti Fuesssoldate (Legionäär) aagluegt und eso as d Geburtsstund vo de middelalterlige Ritterarmeä. Vom taktische Ablauf vo dr Schlacht häär cha die These aber nit überzüüge, wil d Römer au e schweer panzereti Kawallerii (cataphracti) ghaa häi, wo aber vo de Gote in d Flucht gschlaage worde isch. Eso si d Flanke vo dr Römische Infanterii gege d Aagriff vo de gotische und alanische Lanzeritter schutzlos gsi. Die römischi Infanterii het nid verloore, wil d Kampfwiis vo iire Gegner überlääge gsi weer, sondern wil die römischi Ufklärung Fääler gmacht het, dr überraschendi Aagriff vo de greuthungische Gote nit vorusgsee und d Zaal vo de Find drastisch underschetzt het.
Liddratuur
- Alessandro Barbero: The Day of the Barbarians. The Battle That Led to the Fall of the Roman Empire. 2007, ISBN 0-8027-1571-0 (populärwissenschaftlich).
- Dariusz Brodka: Einige Bemerkungen zum Verlauf der Schlacht bei Adrianopel (9. August 378). In: Millennium. Jahrbuch zu Kultur und Geschichte des ersten Jahrtausends n. Chr. Band 6, 2009, S. 265–280.
- Thomas S. Burns: Barbarians within the Gates of Rome. A Study of Roman Military Policy and the Barbarians (ca. 375–425). Indiana University Press, Bloomington, Indiana 1994, ISBN 0-253-31288-4 (detaillierte militärgeschichtliche Studie).
- Peter J. Heather: The Fall of the Roman Empire. Macmillan, London 2005, ISBN 0-333-98914-7, S. 167 ff. (wie Burns vor allem in militärgeschichtlicher Hinsicht interessant).
- Simon MacDowall: Adrianople AD 378. Osprey Publishing, Oxford 2001, ISBN 1-84176-147-8 (populärwissenschaftlich).
Weblingg
![]() |
Dä Artikel basiert uff ere fräie Übersetzig vu dere Version vum Artikel „Schlacht_von_Adrianopel_(378)“ vu de dütsche Wikipedia. E Liste vu de Autore un Versione isch do z finde. |
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.