Rätische Alpen
From Wikipedia, the free encyclopedia
Di Rätische Alpe (vylmol au Rhätischi Alpe, italienisch Alpi Retiche) sin e Gebirgsgruppe in dr zäntrale Oschtalpe. Si lige im Gränzbiet vu dr Oschtschwyz zue Eschtrych, Liachtaschtaa un Italie nerdli vum Veltlin (Addadal) un eschtli vum Hinterrhy un em Bergell.
| Rätischi Alpe | |
|---|---|
 Di zäntral Bernina-Untergruppe vu dr Rätische Alpe. | |
| Höchst Gipfel | Piz Bernina, 4'049 m ü. M. |
| Lage | Oschtschwyz, Lombardei, Trentino-Sidtirol, Liachtaschtaa, Vorarlberg, Tirol |
| Koordinate, (CH) | 46° 48′ N, 10° 0′ O (795500 / 186395) |
Gnännt sin di Rätische Alpe noch em Volk vu dr Räter.
Di Rätische Alpe lige zum greßere Dail im Schwyzer Kanton Graubünde eschtli vum Splügepass. Si wäre dur s Engadin in e Norddail (hegschte Gipfel: Piz Linard, 3'411 m ü. M.) zue Liachtaschtaa un dr eschtrychische Bundesländer Vorarlberg un Tirol, un e Siddal (hegschte Gipfel: Piz Bernina, 4'049 m ü. M.) drännt, wu au in dr italienische Provinze Sondrio, Sidtirol (Provinz Bozen) un Tirol lyt.
Zue dr Rätische Alpe zelle d Untergruppe vu Bernina, Albula, Livigno, Umbrail, Sesvenna, Silvretta un Rätikon.
Friejer het mer au d Plessur-Alpe derzue grächnet.
No dr italienisch/franzesische Sischtematik vu dr Partizione delle Alpi wäre d Alpi Retiche sidliger aagsidlet – umfasse also nume dr obe aagfiert Siddail – un gehen eschtli bis an s Timmelsjoch. Si umfassen derno d Bernina-Livigno-Gruppe, au di sidli vum Valtellina glägene Alpi Orobiche, di Ortler-Alpe mit dr Sobretta un Sesvenna, d Brenta-Dolomite un au d Ötztaler Alpe (Alpi Venoste).
Im Siddail het s zwische Inn un Ofepass dr Schwyzerisch Nationalpark.
- Jürg Baeder, Chasper Baumann, Gianni Bodini, Ludwig Thoma: Ferienland Vinschgau, Landeck, Unterengadin: Magisches Rätisches Dreieck. Hrsg. von Bernhard Erb, Schillinger Verlag, 1999, ISBN 978-3-89155-247-6
 |
Dä Artikel basiert uff ere fräie Übersetzig vu dere Version vum Artikel „Rätische_Alpen“ vu de dütsche Wikipedia. E Liste vu de Autore un Versione isch do z finde. |
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
