Romanos I.
From Wikipedia, the free encyclopedia
From Wikipedia, the free encyclopedia
Dr Romanos I. Lakapenos, au Lekapenos, middelgriech. Ρωμανὸς A' Λεκαπηνός, (* um 870 z Lekapa in Kappadokie; † 15. Juni 948 uf Proti (hüte Kınalıada) het dr Droon vom Byzantinische Riich mit em Konstantin VII. däilt, in Wirklichkäit het er vo 920 bis 944 die ganzi Macht usgüebt. Er isch en Admiral vo dr byzantinische Flotte uf dr Donau gsi. Won er vo dr Niiderlaag vo dr byzantinische Armee bi Achelous (917) dur e bulgarisch Zar Simeon I. ghöört het, isch er uf Konstantinopel gseeglet.
| Romanos I. | |
|---|---|
| Kaiser vom Byzantinische Riich | |
 | |
| Regierigsziit | 920–944 |
| Name | Romanos I. Lekapenos |
| Uf d Wält cho | öbbe 870 |
| Geburtsort | Lekapa |
| Gstorbe | 15. Juni 948 |
| Dodesort | Proti |
| Begrabe | Myrelaion |
| Vorgänger | Konstantin VII. |
| Nochfolger | Konstantin VII. |
| Verhürotet mit | Theodora |
Dr Romanos isch e Buuresoon gsi, und isch, wo 919 si Dochder Helena dr Konstantin VII. ghürootet het, zerst zum Basileopator (Vater vom Kaiser) ernennt und churzi Zit spööter zum Mitregänt vo sim Schwiigersoon kröönt worde. Zum si Posizioon abzsichere, und willicht au zum die makedonischi Dünastii dur si äigeni Familie ersetze, het er 921 si eltist Soon Christophoros, und denn 924 sini jüngere Söön Stephan und Konstantin zu Mitkaiser erhoobe, au wenn si wenigstens am Aafang noch em legitime Kaiser Konstantin VII. choo weere.
Im Innere het dr Romanos brobiert, d Konzentrazioon vo Grundbesitz z kontrolliere. Ussebolitisch het er 927 Friide mit de Bulgare gschlosse und 941 en Aagriff vo de Waräger uf Konstantinopel abgweert. Dank em Friide im Weste het er sini Drubbe im Oste chönne konzentriere, wo dr General Johannes Kurkuas d Emirat vo Malatya/Melitene und Kalikala/Theodosiopolis erooberet het und e Hufe vo de Brinze z Armenie zu byzantinische Wasalle gmacht het. E bsundrige Driumf isch s gsi, won er 944 s sogenannte "Mandylion" vo Edessa zrugggwunne het.
Si Regierig isch churz noch däm Erfolg ume gsi, wo sini Söön Stephan und Konstantin iin uf d Insle Proti brocht und zwunge häi, Mönch z wärde. Das häi si gmacht, wil dr Romanos d Absicht ghaa het, dr Konstantin VII. zum äinzige Droonfolger z ernenne. E baar Möönet druf häi au sii iiri Macht verloore und dr Konstantin VII. isch elläi Kaiser gsi.
| Vorgänger Konstantin VII. |
Kaiser vo Byzanz 920–944 |
Nochfolger Konstantin VII. |
 |
Dä Artikel basiert uff ere fräie Übersetzig vum Artikel „Romanos_I.“ vu de dütsche Wikipedia. E Liste vu de Autore un Versione isch do z finde. |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
