S Rhywald isch es Taal am Oberlouf vom Hinderrhy im Kanton Graubünde. Dr Rhy flüsst vom Rhywaldhorn abe und dur d Roflaschlucht am Ändi vom Rhywald bi Andeer is Schams.
Dä Artikel isch über s Tal, wo Rhywald ghäisst. Für d Gmäind mit em glyche Name lueg Rheinwald GR, für anderi Bedüütige lueg under Rheinwald (Begriffsklärung). |
Der Name vom Taal chunt vom latynische Usdruck «vallis Rheni», was uf Dütsch «s Taal vom Rhy» heisst. Uf Rätoromanisch seit men em «Valrein». Es isch im 13. Joorhundert s erschte Sidligsgebiet vo de Walser im Bünderland gsi.
Im Rhywald sind d Gmainde Sufers und Rhywald, mit de Dörfer Splüügä, Medels, Nufänä und Hinterrhy. Dur s Rhywald loufe d Stroosse übere Fogelbärg und übere Splüügäpass und d Saumpfaad über de Safierbärg und de Valserbärg.
Uf dr Nordsyte het s Rhywald zwöi churzi Sytetääler, s Butzner Tälli und s Taal vom Stutzbach. Uf dr Südsyte ligge d Sytetääler vom Chappelebach, wo vo dr Alp Cadriola chunt, s Areuataal und s Tambotaal. S Curciusataal, wo oben a Areua isch, git zwar s Wasser au zum Hinderrhy abe, es isch aber e Deil vo dr Gmaind Misox.
Literatur
- Kurt Wanner: Unterwegs auf Walserpfaden. Chur 1993. ISBN 3-905241-36-6
- Christian und Tilly Lorez-Brunold: Rheinwalder Mundartwörterbuch. Chur 1987. ISBN 3-908133-38-6
- Erika Hössli: «Äs Ääli» Lexikon der sterbenden Wörter. Splügen 2007. ISBN 978-3-909210-01-5
Weblink
- Kurt Wanner: Rheinwald. In: Historisches Lexikon vo dr Schwiiz.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.