![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/f/f4/Bust_of_Philippe_le_Bel_SaintDenis.jpg/640px-Bust_of_Philippe_le_Bel_SaintDenis.jpg&w=640&q=50)
Philipp IV. vo Frankriich
Köönig vo Frankriich (1285–1314) / From Wikipedia, the free encyclopedia
Dr Philipp IV., dr Schöön (franzöösisch Philippe IV le Bel, änglisch Philip the Fair; * 1268 z Fontainebleau; † 29. Novämber 1314 z Fontainebleau), us dr Dünastii vo de Kapetinger isch vo 1285 bis 1314 Köönig vo Frankriich gsi und (as Philipp I.) Köönig vo Navarra.
![Thumb image](http://upload.wikimedia.org/wikipedia/commons/thumb/f/f4/Bust_of_Philippe_le_Bel_SaintDenis.jpg/640px-Bust_of_Philippe_le_Bel_SaintDenis.jpg)
Er het us Frankriich en öiropäischi Groossmacht gmacht. Mit kompromissloser Autoridäät het er e modärns früeabsolutistischs Staatswääse ufbaut, wo dr middelalterlige franzöösische Monarchii e Machtentfaltig mööglig gmacht het, wie sis bis denn nie kennt het. Bsundrigi Bedütig het si Herschaft, wil er s Babstdum uf Avignon brocht het, won er s het chönne kontrolliere. Er het mit allerlei Macheschafte dr unabhängigi, riichi Tämplerorde verschlaage. Wie dr Eduard I. vo Ängland het er d Juude us em Land usgwiise.
Si Biinaame isch zitgenössisch und bezieht sich uf sis Usgsee, wo im Ritterideal vo sinere Zit entsproche häig.