From Wikipedia, the free encyclopedia
Dialäkt: Baseldütsch |
D Nordtangente isch e Stadtautibahn z Basel und Deil vo dr A3. Si verbindet die schwiizerischi Autibahn A2 und die dütschi A 5 mit dr französische A35.
Dr Streckenabschnitt vo der Nordtangente zwigt vo dr A2 uf em Erlemattgebiet nördlig vom Badische Bahnhof Basel ab und verlauft westwärts über die doppelstöckigi Dreirosebrugg. En underirdische Dunnel verlauft uf dr Westsiite under em Voltaplatz in nördliger Richdig noch Frankriich zue und drifft am Grenzübergang Saint-Louis/ Santihans uf die französisch Autibahn A35.
Öbbe 50 Johr lang isch d Nordtangänte blant und denn baut worde, bis si Middi 2007 für e Individualverchehr eröffnet worden isch. Die letzte Aschlussstelle si 2008 eröffnet worde.
D Bauchoste vo dr rund 3.2 Kilometer lange Strecki hai öbbe 1.55 Milliarde Schwiizer Franke bedrait. D Nordtangänte isch s düürste Stroossestück in dr Schwiiz, wo je baut worden isch. Die hoche Chöste si druf zrugg z füehre, ass 87 % vo dr Strecki unterirdisch verlaufe und ass dr Rhii het müesse überquert wärde.
![]() |
Dä Artikel basiert uff ere fräie Übersetzig vu dere Version vum Artikel „Nordtangente_(Basel)“ vu de dütsche Wikipedia. E Liste vu de Autore un Versione isch do z finde. |